Flash News

Nëna e 15-vjeçares së përfshirë në dhunimin e 17-vjeçares: Ka probleme të shëndetit mendor

Shpërthen në flakë “Benzi” në aksin Qafë Plloçë-Pogradec

Pushteti, kullat dhe Rama/ “The Albanian Files” si pasqyrë e një sistemi të centralizuar

Berisha tregon si e rrëzoi Rama planin britanik: Projekti do mbronte bregdetin, e ktheu në masakrim të territorit

Berisha: “Albanian Files” akuza më e rëndë ndaj Ramës, brigjet po shpopullohen nga krimi

E-TJERA

Procesi ndaj Veliajt, Xoxa kërkon shtyrjen e gjyqit me 63 ditë, Dumani: Të ndahet çështja

Politiko 7 Korrik 2026, 11:24

Procesi ndaj Veliajt, Xoxa kërkon shtyrjen e gjyqit me 63 ditë,

Ka nisur në Gjykatën e Posaçme seanca gjyqësore ndaj të pandehurve, ku në qendër të diskutimeve ka qenë edhe kërkesa e Ajola Xoxës për pezullimin e shqyrtimit gjyqësor.

Erion Veliaj ka dorëzuar deklaratën e tij përpara gjykatës, duke bërë me dije se ka përfunduar me aktet e nevojshme dhe se do të përfaqësohet gjatë procesit nga avokati mbrojtës.

Ndërkohë, Ajola Xoxa nuk ishte e pranishme në sallën e gjyqit dhe përmes mbrojtjes së saj ka kërkuar shtyrjen e seancës dhe pezullimin e procesit për 63 ditë, duke iu referuar gjendjes së saj shëndetësore pas lindjes së fëmijës.

Avokati i saj, Gurali Brahimllari, deklaroi se Xoxa ka kryer lindje me operacion më 29 qershor dhe se aktualisht nuk mund të komunikojë në mënyrë të plotë me mbrojtësit për të garantuar një mbrojtje efektive. Sipas tij, ajo nuk ka autorizuar avokatët që të vijojnë procesin pa praninë e saj.

Kërkesa u kundërshtua nga kreu i SPAK, Altin Dumani, i cili argumentoi se ligji parashikon shtyrje të seancës deri në 15 ditë dhe kërkoi që çështja ndaj Xoxës të ndahet nga të pandehurit e tjerë, në mënyrë që gjykimi të vijojë për pjesën tjetër.

Dumani tha se procesi gjyqësor ka nisur që në shtator dhe se Xoxa nuk është paraqitur në asnjë prej seancave të zhvilluara deri tani.

Nga ana tjetër, mbrojtja kundërshtoi ndarjen e çështjes, duke argumentuar se kjo do të komplikonte procesin dhe se prioritet duhet të jetë respektimi i të drejtës për mbrojtje efektive.

Pas debateve mes palëve, Gjykata e Posaçme është tërhequr për të marrë vendimin lidhur me kërkesat e paraqitura.

Të fundit