Flash News

Nëna e 15-vjeçares së përfshirë në dhunimin e 17-vjeçares: Ka probleme të shëndetit mendor

Shpërthen në flakë “Benzi” në aksin Qafë Plloçë-Pogradec

Pushteti, kullat dhe Rama/ “The Albanian Files” si pasqyrë e një sistemi të centralizuar

Berisha tregon si e rrëzoi Rama planin britanik: Projekti do mbronte bregdetin, e ktheu në masakrim të territorit

Berisha: “Albanian Files” akuza më e rëndë ndaj Ramës, brigjet po shpopullohen nga krimi

Ditari i Opozitës

Berisha tregon si e rrëzoi Rama planin britanik: Projekti do mbronte bregdetin, e ktheu në masakrim të territorit

Politiko 7 Korrik 2026, 12:47

Berisha tregon si e rrëzoi Rama planin britanik: Projekti do mbronte

Kreu i Partisë Demokratike, Sali Berisha, ka vijuar akuzat ndaj qeverisë për mënyrën e menaxhimit të zhvillimit të bregdetit shqiptar, duke deklaruar se qeveritë e mëparshme kishin ndjekur një qasje më të kontrolluar ndaj ndërtimeve në zonat turistike.

Gjatë një deklarate, Berisha tha se një kompani britanike kishte hartuar një studim për vijën bregdetare, duke përcaktuar zonat ku nuk duhej të lejohej ndërtimi për shkak të vlerave natyrore dhe mjedisore.

Sipas tij, pas këtij studimi, zhvillimi i zonave bregdetare iu la autoriteteve lokale, ndërsa për Bashkinë e Himarës ai përmendi ish-kryebashkiakun Vasil Bollano, duke e cilësuar si një mbrojtës të interesave të banorëve të zonës.

Berisha pretendoi se ardhja e Edi Ramës në pushtet solli ndryshim të politikës për bregdetin, duke akuzuar qeverinë aktuale se ka zëvendësuar mbrojtjen e territorit me ndërtime masive.

“Qeveria e mëparshme tregoi një kujdes shumë të veçantë për bregun dhe zhvillimin e turizmit. Për këtë qëllim, përveç ndërtimit të infrastrukturës në të gjithë bregun, ajo mori një kompani britanike të famshme, e cila studioi bregun në të gjithë gjatësinë e tij. Shqiptarët do kishin sot një breg krejt tjetër, nëse do të zbatohej projekti i hartuar për zhvillimin e komuniteteve nga komunitetet. Edi Rama, me të ardhur në pushtet, e përmbysi si studimin britanik dhe kaloi në planin e integruar të zhvillimit të bregut, në planin e masakrimit të bregut”, deklaroi kryetari i PD-së.

 

Të fundit