Flash News

Malltezi publikon librin për çështjen “Berisha”: 35 falsifikimet e procesit politik ndaj liderit të opozitës

Rama e shpalli "non grata", reagon Ikballe Berisha

E bija iu mbyt bashkë me kushërirën/ Babai: M’u lut që të shkonte në plazh me tezen, hera e parë që e lejoja

PS refuzon kërkesat e protestuesve, rrëzon kërkesën e PD për mocion me debat

60 kursantë të helmuar në Akademinë e Sigurisë, policia jep detaje: Po hetohen, janë marrë mostra nga ushqimi

PRINT

Malltezi publikon librin për çështjen “Berisha”: 35 falsifikimet e procesit politik ndaj liderit të opozitës

Politiko 25 Qershor 2026, 18:24

Malltezi publikon librin për çështjen “Berisha”: 35

Jamarbër Malltezi ka publikuar librin e tij më të ri në gjuhën angleze, me titull “The Political Process Against the Opposition Leader in Albania: 35 Falsifications of a Political Prosecution”, (Procesi politik kundër udhëheqësit të opozitës në Shqipëri: 35 falsifikime të një ndjekjeje penale politike) ku trajton procesin gjyqësor ndaj ish-kryeministrit dhe liderit të opozitës, Sali Berisha.

Sipas autorit, libri paraqet atë që ai e cilëson si një proces politik të ndërtuar përmes dosjeve të manipuluara dhe akuzave të pabazuara, me qëllim goditjen e opozitës në Shqipëri. Malltezi shkruan se prokurorët e çështjes kanë vepruar nën ndikim politik dhe kanë ndërtuar akuzat mbi “35 falsifikime”, të cilat, sipas tij, dokumentohen me prova dhe fakte zyrtare.

Botimi përmban dokumente autentike zyrtare që datojnë nga viti 1935 deri në vitin 2009, të cilat, sipas autorit, provojnë pronësinë e ligjshme të familjeve pronare mbi tokat e konfiskuara nga regjimi komunist.

Në libër argumentohet se procesi i kthimit dhe kompensimit të këtyre pronave, i nisur rreth dy dekada më parë, nuk ka sjellë asnjë shkelje ligjore dhe nuk ka cenuar interesin publik, shkruan politiko.al. 

Malltezi thekson se përmes dokumenteve, fakteve dhe provave të paraqitura, synon të tregojë se procedimi penal ndaj Berishës është ndërtuar mbi baza politike dhe jo juridike. Ai pretendon se qëllimi i procesit ka qenë arrestimi i liderit të opozitës, në zbatim të asaj që ai e quan “urdhër politik” i kryeministrit Edi Rama.

Sipas autorit, libri nuk është vetëm një dëshmi mbi rastin konkret të Sali Berishës, por edhe një paralajmërim mbi rrezikun e përdorimit të sistemit të drejtësisë si instrument politik, duke argumentuar se presioni politik mbi institucionet mund të çojë në deformimin e proceseve ligjore dhe të shtetit të së drejtës.

Libri është i disponueshëm për blerje në platformën ndërkombëtare Amazon.

Të fundit