Flash News

Një Enver për Brezin Z

Berisha thirrje ndërkombëtarëve: Të hetohet ‘Dosja’ e Ramës, do zbulojnë rrjetin më monstruoz të trafikantëve të drogës

Rama “kërcënon” kryebashkiakët: Kam informacione që vini në Tiranë, kjo duhet të marrë fund

Nga heshtja te mobilizimi: si u “zgjuan” socialistët pas qortimit të Ramës?

Sherr në Vlorë, ukrainasja denoncon çiftin shqiptar: Na rrahën për shkak të qenit

E-TJERA

Shiu nuk pengon protestuesit, mblidhen në sheshin “Skënderbej”

Politiko 24 Qershor 2026, 19:33

Shiu nuk pengon protestuesit, mblidhen në sheshin

Pavarësisht motit të paqëndrueshëm dhe reshjeve të shiut, qytetarët janë mbledhur edhe këtë të mërkurë në Sheshin “Skënderbej” në Tiranë, për t’iu bashkuar protestës së 25-të radhazi kundër kryeministrit Edi Rama dhe qeverisë së tij.

Që në orët e para të mbrëmjes ka nisur organizimi i protestuesve, të cilët vijojnë të kërkojnë dorëheqjen e menjëhershme dhe të panegociueshme të kryeministrit, duke e konsideruar largimin e tij si kushtin kryesor për zgjidhjen e krizës politike në vend.

Tubimi i sotëm shihet si një tjetër moment i rëndësishëm i mobilizimit qytetar, pas më shumë se tre javësh protesta të përditshme në kryeqytet dhe në qytete të tjera.

Sipas protestuesve, lëvizja ka tejkaluar tashmë kauzën e saj fillestare dhe është kthyer në një revoltë më të gjerë kundër korrupsionit, keqqeverisjes, mungesës së transparencës dhe llogaridhënies, si edhe kundër fenomenit të emigrimit masiv të të rinjve shqiptarë.

Pritet që pas grumbullimit në Sheshin “Skënderbej”, protestuesit të marshojnë drejt Kryeministrisë, ku do të përsërisin kërkesat e tyre për ndryshim politik dhe largimin e qeverisë aktuale.

Të fundit