Flash News

Dita e 24-ët e protestës, Kam ardhur nga Amerika, do të vijnë me mijëra!

Aksident në Gjirokastër, përplasen një furgon turistësh, dy të lënduar

Tronditëse në Prrenjas/ 69-vjeçari i vë flakën bashkëshortes, shkak xhelozia

Spiropali ironizon Ramën: Fletë-rrufe, kontroll algoritmik e gjuhë e shthurur

Dhoma Amerikane e Tregtisë ngre alarmin: Korrupsioni dhe monopoli po godasin bizneset në Shqipëri

Ditari i Opozitës

Berisha: Rama po rikthen survejimin e qytetarëve si në diktaturë, protesta monitorohet me kamera robotike

Politiko 23 Qershor 2026, 12:28

Berisha: Rama po rikthen survejimin e qytetarëve si në diktaturë,

Kryetari i Partisë Demokratike, Sali Berisha, gjatë një konference me gazetarët, akuzoi kryeministrin Edi Rama se po ndërton një sistem të gjerë survejimi ndaj qytetarëve, të cilin e krahasoi me praktikat e diktaturës komuniste.

Berisha deklaroi se në periudhën e komunizmit ambientet publike monitoroheshin përmes pajisjeve të përgjimit, ndërsa sipas tij, sot qeveria ka ngritur një sistem edhe më të avancuar kontrolli.

Sipas kreut demokrat, pas instalimit të pajisjeve për monitorimin e komunikimeve në internet, në kuadër të masave të marra gjatë bllokimit të TikTok-ut, qeveria ka vënë në funksion edhe projektin “Smart City”, i cili bazohet në përdorimin e kamerave me teknologji të avancuar dhe rezolucion të lartë.

Berisha pretendoi se këto kamera po përdoren për të monitoruar protestat qytetare dhe jo për shërbime publike, siç ndodh sipas tij në vende të tjera evropiane.

“Janë vendosur kamera robotike në disa zona të Tiranës, të cilat survejojnë ditë e natë protestën paqësore të qytetarëve. Këto kamera nuk administrohen nga bashkia, por janë në dispozicion të Policisë së Shtetit dhe të asaj që unë e quaj shtet policor”, u shpreh Berisha.

Ai e cilësoi situatën si një cenim të lirive qytetare dhe kërkoi transparencë mbi mënyrën e përdorimit të sistemit të kamerave dhe të dhënave që mblidhen prej tyre.

FJALA E PLOTE

Edi Rama rikthen plotësisht survejimin e qytetarëve të kohës më të zezë të diktaturës komuniste.
Për rikujtesë, për gjenerata të tëra që nuk e dinë, gjatë diktaturës, të gjitha ambientet e jashtme, anët e bulevardit, pemët, urat, etj, etj, kanë qenë të mbushura me ato që në ato kohë ne i quanim çimka, të cilat regjistronin 24 orë mbi 24 orë çdo bisedë që bëhej nga qytetarët që uleshin në ato anësore të trotuareve, ose në stola, ose në parqe.
Çmenduria e diktaturës nuk kishte kufi.
Sot Edi Rama ka vendosur një sistem edhe më të thellë, edhe më të plotë survejimi se ai që ekzistonte në diktaturë.
Pas instalimit të aparaturave të regjistrimit dhe përgjimit të plotë të internetit në Shqipëri, që ai bëri me rastin e bllokimit të TikTokut dhe që vazhdojnë edhe sot të kontrollojnë totalisht komunikimet me internet në Shqipëri, Edi Rama pajisi, vendosi në dispozicion të Policisë së Shtetit projektin që quhet Smart City.
Smart City është një projekt i bazuar në kamerat robotike, me rezolucion shumë të lartë dhe aftësi të mëdha, që në Evropë administrohet totalisht nga bashkitë dhe që është kryekëput në funksion të shërbimeve ndaj qytetarëve.
U lutem, këtu keni një kamerë robotike që survejon ditë e natë protestën, kryengritjen paqësore të qytetarëve dhe rinisë shqiptare.
Të tilla kamera janë vendosur në të katër anët e Tiranës dhe që të gjitha jo në disponim të bashkisë, por në disponim të shtetit policesk dhe Policisë së Shtetit.

ZYRA E MEDIAS DHE KOMUNIKIMIT PARTIA DEMOKRATIKE

Të fundit