Flash News

Malltezi publikon librin për çështjen “Berisha”: 35 falsifikimet e procesit politik ndaj liderit të opozitës

Rama e shpalli "non grata", reagon Ikballe Berisha

E bija iu mbyt bashkë me kushërirën/ Babai: M’u lut që të shkonte në plazh me tezen, hera e parë që e lejoja

PS refuzon kërkesat e protestuesve, rrëzon kërkesën e PD për mocion me debat

60 kursantë të helmuar në Akademinë e Sigurisë, policia jep detaje: Po hetohen, janë marrë mostra nga ushqimi

SPORT

Akuza për klimë të tensionuar te Zvicra, ylli i Gjermanisë: Xhaka është busulla e ekipit

Politiko 25 Qershor 2026, 17:44

Akuza për klimë të tensionuar te Zvicra, ylli i Gjermanisë:

Raportimet e mediave gjermane për një klimë të tensionuar në kombëtaren e Zvicrës kanë gjetur kundërshtim nga futbollisti gjerman Robin Gosens, i cili ka dalë hapur në mbrojtje të kapitenit helvet, Granit Xhaka.

Pas fitores së Zvicrës ndaj Kanadasë, mediat gjermane pretenduan se në dhomat e zhveshjes ekziston një atmosferë e vështirë për shkak të karakterit të drejtpërdrejtë të Xhakës dhe kritikave që ai shpreh shpesh ndaj skuadrës. Megjithatë, Gosens i hodhi poshtë këto pretendime, duke vënë në dyshim burimet e informacionit.

“Si mund ta dinë ata se atmosfera është toksike? Nuk besoj se dikush ka informacione nga brenda zhveshtores”, u shpreh ai, duke shtuar se tituj të tillë shpesh krijohen për të tërhequr vëmendjen e publikut.

Futbollisti gjerman theksoi se ai i beson më shumë dëshmive të njerëzve që e njohin nga afër Xhakën, veçanërisht ish-bashkëlojtarit të tij te Atalanta, Remo Freuler. Sipas Gosens, të gjitha informacionet që ka marrë nga Freuler e përshkruajnë Xhakën si një lider të padiskutueshëm dhe figurë kyçe brenda ekipit.

Ai e cilësoi mesfushorin me origjinë shqiptare si pikën e referimit të skuadrës, lojtarin që merr përgjegjësi në momentet vendimtare dhe që udhëheq ekipin në fushë.

Gosens pranoi se Xhaka është një person shumë i drejtpërdrejtë dhe se stili i tij i komunikimit mund të mos pëlqehet nga të gjithë. Megjithatë, sipas tij, kjo nuk e zbeh rolin e madh që ai ka te Zvicra.

“Ekipi orientohet sipas tij. Ai është zgjatimi i trajnerit në fushë dhe lojtari që të gjithë shohin kur kanë nevojë për udhëzim”, deklaroi Gosens, duke nënvizuar rëndësinë e kapitenit në organizimin dhe funksionimin e skuadrës helvete.

Të fundit