Flash News

Shi dhe rrëshqitje dherash në aksin Moglicë–Gramsh, kufizohet qarkullimi në një krah

U vra pas një konflikti në Kamëz, ky është 27-vjeçari që u nda nga jeta

Foto/ Ky është autori i vrasjes së 27-vjeçarit në Paskuqan

Peticion anti-Rama, mbi 395 mijë qytetarë firmosin për largimin e kryeministrit

Vrasja në mes të ditës në Kamëz, reagon policia: S’ka të dëmtuar të tjerë nga ngjarja

Ditari i Maxhorancës

I zënë ngusht nga protestat e përditshme, Rama 'kapet' me influencerët: Dalin për followers në Instagram

Politiko 8 Qershor 2026, 19:51

I zënë ngusht nga protestat e përditshme, Rama 'kapet'

Kryeministri Edi Rama ka vijuar sulmet ndaj protestuesve dhe influencërve, blogerëve që prej 9 ditësh janë bërë pjesë e protestave kundër qeverisë, e inicuar prej projektit në Zvërnec.

Nga Shkodra, gjatë aktivitetit për 35-vjetorin e Partisë Socialiste, kreu i qeverisë i ka cilësuar protestat si një mundësi për të fituar më shumë ndjekës në rrjetet sociale.

Në një deklaratë që pritet të ndezë më tej debatin publik, Rama tregoi një bisedë me një personazh publik, i cili sipas tij kishte marrë pjesë në protestë për shkak të interesit që ngjallte tema në Instagram.

“E pyeta pse dole. Më tha: shoh Instagramin, bëhet nami me likes e followers. Ata dalin atje të marrin followers”, deklaroi Rama.

Megjithatë, Rama këmbënguli se kundërshtimet ndaj projektit nuk duhet të bazohen te emocionet apo fushatat në rrjetet sociale, por te argumentet teknike dhe faktet. Sipas tij, kush e ka seriozisht shqetësimin për mjedisin duhet të dëgjojë shpjegimet e ekspertëve.

"Nuk kemi asnjë arsye të pretendojmë të bëjmë çdo gjë mirë, por nuk jemi tradhtarë. Mjafton të mendosh sesa mijëra njerëz i shpëtuam nga vetmia në qiell të hapur dhe nga gërmadhat e jetës së tyre që u shkatërrua për 30 sekonda kur ra tërmeti.

Ashtu sikundër kur kthen kokën pas e sheh si ka qenë Shqipëria. I parafytyroni shqiptarët para 10 vitesh duke dalë si zogj të lirë, por më shumë krenarë. Shqiptarët që na kanë besuar nuk na kanë tradhtuar.

Kishte dalë edhe një personazh që unë e njoh dhe i thashë: “Pse dole?”. Unë, tha, shoh Instagramin, bëhet nami me likes e folloë. Ata dalin atje të marrin folloë.
Nuk dua të them që s’ka arsye për të protestuar, ka arsye. Por ka arsye për të ndërtuar.

Dera që na është hapur për t’u futur në atë shtëpi ku do të jemi të barabartë jo vetëm me zakon, por edhe me ligj, është një derë që nuk do ta lejojmë ta mbyllë shqiptari e të bëhet si Kalaja e Rozafës.

Ata që e kanë seriozisht shqetësimin për Zvërnecin, mjedisin, ju them: bujrum, dëgjoni argumentet, faktet. Nuk mund të thoni anuloni projektin kur projekti po bëhet. Projektin s’po e bëjnë influencerat, po e punojnë një grup i madh njerëzish dhe nuk do të vijë në Shqipëri për ta shkatërruar", u shpreh Rama ndër të tjera. 

Të fundit