Flash News

Shi dhe rrëshqitje dherash në aksin Moglicë–Gramsh, kufizohet qarkullimi në një krah

U vra pas një konflikti në Kamëz, ky është 27-vjeçari që u nda nga jeta

Foto/ Ky është autori i vrasjes së 27-vjeçarit në Paskuqan

Peticion anti-Rama, mbi 395 mijë qytetarë firmosin për largimin e kryeministrit

Vrasja në mes të ditës në Kamëz, reagon policia: S’ka të dëmtuar të tjerë nga ngjarja

KRYESORE

Media franceze: Mashtrimet me kriptomonedha nga Shqipëria po minojnë besimin te investimet

Politiko 8 Qershor 2026, 10:24

Media franceze: Mashtrimet me kriptomonedha nga Shqipëria po minojnë

Një hetim i autoriteteve franceze ka zbuluar një skemë mashtrimi me investime në kriptomonedha që dyshohet se operonte nga Shqipëria, duke lënë pas të paktën 19 viktima franceze dhe një dëm financiar të vlerësuar në rreth 1.5 milionë euro, raportojnë mediat franceze.

Sipas informacioneve të publikuara nga AFP, hetimi i nisur nga seksioni i kërkimeve të xhandarmërisë në Pau çoi hetuesit drejt Shqipërisë, ku dyshohet se një qendër telefonike e drejtuar nga pesë shtetas shqiptarë operonte përmes platformës “universaltrade.io”.

Autoritetet franceze dyshojnë se viktimat josheshin fillimisht përmes reklamave të investimeve në internet. Fillimisht atyre u kërkoheshin shuma të vogla parash, ndërsa në llogaritë e tyre shfaqeshin fitime të rreme që i nxisnin të investonin gjithnjë e më shumë.

Problemet nisnin në momentin kur investitorët kërkonin të tërhiqnin fondet e tyre. Sipas hetuesve, kjo bëhej e pamundur, përveç rasteve kur viktimat bindeshin të depozitonin edhe më shumë para.

Rasti i parë që çoi në hapjen e hetimit lidhet me një banor të rajonit Pyrénées-Atlantiques, i cili humbi 30 mijë euro pasi investoi përmes platformës. Më pas, hetimet identifikuan edhe viktima të tjera, mes tyre një sipërmarrëse nga jugu i Francës, e cila humbi rreth 300 mijë euro, kursimet e jetës që kishte planifikuar t’i përdorte për të ndihmuar vajzën e saj para martesës.

“Ju vjedhin më shumë se paratë. Ju vjedhin dinjitetin, inteligjencën dhe gjithçka që keni ndërtuar ndër vite. Ato para ishin pensioni ynë. Unë dhe bashkëshorti im u detyruam të riktheheshim në punë”, është shprehur një nga viktimat.

Sipas AFP-së, një prej personave të përfshirë në rrjet, i takuar nga gazetarët në Tiranë, ka deklaruar se nuk ndien pendesë për aktivitetin, duke thënë se: “Nëse ka njerëz që e besojnë, nuk shoh pse duhet të kem skrupuj”.

Për shkak se Shqipëria nuk ekstradon shtetasit e saj, Prokuroria e Pau-së pritet t’ia kalojë dosjen autoriteteve shqiptare. Sipas raportimit, drejtësia shqiptare ka premtuar të shqyrtojë çështjen dhe mundësinë e kompensimit të viktimave.

Të fundit