Flash News

Aksident në superstradën Lezhë–Milot, 3 të plagosur

PD kërkon interpelancë urgjente me Ramën për 5 kërkesat e protestuesve

Sherr në zonën e Ali Demit, një i plagosur me thikë

Po laheshin në det, mbyten dy fëmijë në plazhin e Tales

Meksika mund Korenë e Jugut, kalon në fazën eliminatore të Kupës së Botës

KRYESORE

"Qeveria Rama ka raportuar shifra të fryra", Shqipëria investon pak në mbrojtje, rrezikon anulimin e samitit të NATO-s

Politiko 19 Qershor 2026, 11:42

"Qeveria Rama ka raportuar shifra të fryra", Shqipëria

Shqipëria është mes tre vendeve anëtare të NATO që nuk kanë arritur të përmbushin objektivin prej 2% të Prodhimit të Brendshëm Bruto për shpenzimet e mbrojtjes, sipas burimeve të brendshme të aleancës.

Sipas burimeve të brendshme të NATO, bashkë me Republikën Çeke dhe Slloveninë, kanë rezultuar sërish me shpenzime më të ulëta për mbrojtjen sesa ishte rënë dakord, shkruan media holandeze da telegraaf. 

Në mars, NATO kishte njoftuar se të gjitha vendet anëtare kishin arritur pragun e 2%, një objektiv i vendosur prej vitesh si standard minimal për shpenzimet e mbrojtjes. Megjithatë, rishikimet e brendshme kanë treguar një tablo më pak të favorshme.

Para samitit në Hagë verën e kaluar, sekretari i përgjithshëm i NATO-s, Mark Rutte, kishte ushtruar presion të madh mbi vendet që mbeteshin prapa, duke paralajmëruar se mosrespektimi i objektivit mund të shkaktonte pakënaqësi të fortë nga aleatët, përfshirë edhe SHBA-në dhe presidentin amerikan Donald Trump.

Sipas burimeve, disa vende me ekonomi më të dobët kanë tentuar të përmbushin pragun e 2%, madje duke përfshirë edhe zëra shpenzimesh që nuk duhej të llogariteshin. Veçanërisht Sllovenia dhe Shqipëria dyshohet se kanë raportuar shifra të fryra, duke mbetur deri në gjysmë pikë përqindje poshtë objektivit real.

Gjithashtu, ekzistojnë shqetësime se këto tre vende mund të mos e arrijnë sërish objektivin edhe këtë vit. Për më tepër, vëmendje po i kushtohet edhe disa vendeve të tjera, përfshirë Hungarinë.

Ndërkohë, ministri amerikan i mbrojtjes Pete Hegseth ka paralajmëruar se SHBA mund të ndërmarrë masa ndaj aleatëve që nuk përmbushin detyrimet e tyre financiare. Sipas këtyre paralajmërimeve, Uashingtoni mund të ulë kontributin e tij në buxhetin e NATO-s, nga i cili financohen selitë, misionet dhe stërvitjet ushtarake. Aktualisht, SHBA mbulon rreth 15% të buxhetit të aleancës.

Sipas burimeve të afërta me organizatën, Shqipëria madje mund të rrezikojë edhe të drejtën për të organizuar samitin e ardhshëm të NATO-s nëse nuk përmirëson përmbushjen e angazhimeve të saj financiare.

Të fundit