Flash News

Rama në seancë plenare, protestuesit marshojnë drejt Kuvendit

Video/ E pyeti për protestat, Rama tensionohet dhe sulmon gazetaren e CNN: Fakti që je greke...

Denoncoi se u kërcënua me jetë, Bajrat kallëzojnë në SPAK Marjana Koçekun

Gjendet në Ibë një trup i pajetë, dyshohet se i përket Eglant Koçit

Operacion antikanabis në Kurbin, arrestohet një person, në kërkim bashkëpunëtori

Ditari i Opozitës

Berisha në Kuvend: Shqiptarët janë ngritur kundër diktaturës autoritare dhe narkoshtetit të vetëm në Evropë

Politiko 18 Qershor 2026, 10:52

Berisha në Kuvend: Shqiptarët janë ngritur kundër

Kryetari i Partisë Demokratike, Sali Berisha, nga foltorja e Kuvendit deklaroi se protestat e ditëve të fundit përfaqësojnë një reagim qytetar në mbrojtje të rendit kushtetues dhe të drejtave themelore.

Ai akuzoi kryeministrin Edi Rama për shkelje të ligjeve dhe ndërtimin e një "narkoshteti", ndërsa theksoi se qytetarët shqiptarë janë mobilizuar kundër asaj që e cilësoi si një diktaturë autoritare.

Berisha u shpreh se pjesëmarrja në protesta është shprehje e përgjegjësisë qytetare dhe jo e lëvizjeve ekstremiste apo antidemokratike.

Berisha: Të nderuara deputete e deputëtë, të dashur qytetarë që ndiqni këtë seancë e cila përbën një akt cinik, një akt të vërtetë lufte ndaj atyre qindra mijëra qytetarëve që kanë pushtuar rrugët dhe sheshet e Tiranës në mbrojtje të rendit kushtetues, në mbrojtje të ligjeve shqiptare dhe ndërkombëtare të dhunuara në mënyrë flagrante nga Edi Rama dhe klanet e tij me pushtet dhe në bodrumet e karteleve të drogës.
Janë 18 ditë të papara në historinë e Shqipërisë.
Kurrë ndonjëherë shqiptarët nuk janë derdhur në rrugët dhe sheshet e kryeqytetit të tyre në emër të asaj përgjegjësie, që është përgjegjësia më e lartë pas përgjegjësisë para Zotit, përgjegjësisë qytetare.
Qytetarët dhe rinia shqiptare kanë mbushur sheshet dhe rrugët e Shqipërisë, absolutisht jo kurrë si një lëvizje fashiste apo antisemite apo antitrampiste, jo dhe jo. Ata kanë mbushur rrugët dhe sheshet kundër një diktature autoritare që shkelmon, që zvarrit, që shkelmon të drejtat e njeriut dhe që zvarrit qytetarët paqësorë.
Kundër një diktature autoritare që ka ndërtuar në Shqipëri narkoshtetin e vetëm në Evropë.
A e kuptoni ju si jeni tani?
Unë shoh ku i keni pozicionet në piramidën e narkoshtetit ju.
Se janë trafikantët.
Janë biznesmenët.
Por në krye jeni ju.

Të fundit