Flash News

Dhuna ndaj protestuesve, Koçeku-Ramës: Pushtetit i ka mbetur vetëm shkopi i gomës dhe prangat

"E papranueshme", vjen reagimi i parë nga Parlamenti Evropian për dhunën e policisë ndaj protestuesve

Gaz lotsjellës, spray piper e arrestime të dhunshme, ç'ndodhi sot para Parlamentit?

Arratiset i dyshuari për masakrën e Velipojës, policia në kërkim të Hasan Ferracakut

Njihuni me parashikimin e motit për sot

E-TJERA

Avokati: Policia zbatoi urdhra të paligjshëm, protestuesit duhet të lirohen

Politiko 2 Korrik 2026, 17:49

Avokati: Policia zbatoi urdhra të paligjshëm, protestuesit duhet

Avokati Alban Duraj ka kundërshtuar mënyrën se si policia ka vepruar ndaj protestuesve të shoqëruar pas përplasjeve të sotme para Parlamentit, duke deklaruar nga ambientet e Komisariatit nr. 4 se arrestimet në flagrancë janë kryer në kundërshtim me ligjin.

Sipas tij, kushtet ligjore për këtë masë sigurie nuk plotësohen, pasi arrestimi në flagrancë zbatohet vetëm për vepra penale që parashikojnë një dënim minimal prej pesë vitesh burgim.

Duraj u kërkoi gjithashtu ministrit të Brendshëm dhe kryeministrit Edi Rama të reagojnë, duke paralajmëruar se moslirimi i tyre mund të sjellë përshkallëzim të situatës dhe një "revoltë të ligjshme".

“Janë shkelur kriteret për masën e arrestit, kur dikush arrestohet në flagrancë duhet të ketë kryer nëj krim që dënohet minimumi 5 vite. Ata policë që kanë zbatuar urdhra të palgjshëm, do të mbajnë përgjegjësi, u bëjmë thirrje policëve të mos bëjnë veprime të paligjshme, gjithçka është e filmuar.

Nuk kemi asnjë njoftim për tre të shoqëruarit, ata presin urdhrat dhe urdhrat janë politikë. S’duhet të kishim arrestim në flagrancë.

Protestuesit janë kundërpërgjigjur sepse janë dhunuar, dhuna ka qenë disproporcionale sepse kanë përdorur shkopinj gome dhe kanë qenë të shumtë në numër.

Ajo që kërkojmë nga Hitaj dhe prokurori të urdhërojnë menjëherë lirimin dhe hetimi të bëhet në gjendje të lirë, mos ketë procedime. Ministri i Brendshëm dhe Rama të regojnë menjëherë. I drejtojmë kërkesë Ramës që protestuesit të shkojnë në familjet e tyre, në të kundërt do të shkaktojë revoltë, që është e ligjshme”, u shpreh avokati.

Të fundit