Flash News

Dhuna ndaj protestuesve, Koçeku-Ramës: Pushtetit i ka mbetur vetëm shkopi i gomës dhe prangat

"E papranueshme", vjen reagimi i parë nga Parlamenti Evropian për dhunën e policisë ndaj protestuesve

Gaz lotsjellës, spray piper e arrestime të dhunshme, ç'ndodhi sot para Parlamentit?

Arratiset i dyshuari për masakrën e Velipojës, policia në kërkim të Hasan Ferracakut

Njihuni me parashikimin e motit për sot

E-TJERA

Arratiset i dyshuari për masakrën e Velipojës, policia në kërkim të Hasan Ferracakut

Politiko 2 Korrik 2026, 13:34

Arratiset i dyshuari për masakrën e Velipojës, policia në

Hasan Ferracaku, një nga personat e dyshuar për përfshirje në masakrën e ndodhur në Velipojë në vitin 2021, ku mbetën të vrarë katër persona dhe u plagosën dy të tjerë, është larguar nga banesa e tij në Shkodër, ku ndodhej me masën e sigurisë “arrest në shtëpi”.

Sipas informacioneve, Ferracaku ishte nën mbikëqyrje policore 24 orë në lagjen “Guerrile”, pasi ndaj tij ishte caktuar kjo masë sigurie nga gjykata për veprën penale “Vrasja me dashje”. Megjithatë, ai ka arritur të largohet nga banesa në orët e para të mëngjesit, duke i shpëtuar kontrollit të efektivëve.

Menjëherë pas konstatimit të mungesës së tij, shërbimet e Policisë së Shkodrës kanë organizuar kontrolle në zonë dhe në ambiente të ndryshme ku dyshohet se mund të fshihet, ndërsa në hetim është përfshirë edhe Agjencia e Mbikëqyrjes Policore. Vijojnë kërkimet për lokalizimin dhe kapjen e tij.

Njoftimi i Policisë

Rreth orës 05:30 të mëngjesit të sotëm, në lagjen “Guerrile”, shërbimet e Policisë të Njësisë së Sigurisë Publike Shkodër, gjatë kryerjes së shërbimit për ruajtjen e shtetasit Hasan Ferracaku, ndaj të cilit Gjykata kishte caktuar masën e sigurisë “Arrest në shtëpi”, në mbikëqyrje policore, pasi është në hetim për veprën penale “Vrasja me dashje”, kanë konstatuar se ky shtetas ishte larguar nga banesa.

Menjëherë pas konstatimit, shërbimet e Policisë, në bashkëpunim me Njësinë e Sigurisë Publike Shkodër, kanë organizuar kontrolle në banesa dhe në ambiente të tjera, në të cilat dyshohet se mund të jetë fshehur ky shtetas.

Grupi hetimor dhe AMP vijojnë punën për dokumentimin e plotë të rastit. Ndërkohë, vijojnë kontrollet për gjetjen e tij.

Ngjarja për të cilën Ferracaku akuzohet ka ndodhur më 26 qershor 2021 në Velipojë, ku një konflikt mes dy familjeve për shfrytëzimin e një hapësire plazhi për shezlongë degradoi në përdorimin e armëve të zjarrit. Si pasojë e përplasjes mbetën të vrarë katër persona, mes tyre edhe pjesëtarë të të dyja familjeve, ndërsa dy të tjerë u plagosën.

Sipas dosjes hetimore, në konflikt janë përdorur disa armë zjarri, ndërsa palët kanë dhënë versione të ndryshme mbi mënyrën se si nisi përplasja. Hetimet për zbardhjen e plotë të ngjarjes vijojnë ende.

 

Të fundit