Flash News

“Urimi i ditëlindjes” për Ramën nga SHBA: Shqipëria në fokus të Kongresit për narkotrafik, korrupsion dhe krim të organizuar

Aksident i 6-fishtë pranë pikës kufitare në Morinë, 7 të plagosur

Zhurma e motorëve, shqetësim për Tiranën

Ndërtoi hotel pa leje në Ksamil, dënohet me 2 vite burg 52-vjeçari me shtetësi britanike

Dhuna ndaj protestuesve, Komiteti Shqiptar i Helsinkit: Policia përdori forcë joproporcionale, kërkojmë hetim

KRYESORE

“Nuk na pengojnë thirrjet ‘Rama-Berisha në burg’”, kreu i PD për Politiko: Nuk distancohemi nga protestuesit

Politiko 4 Korrik 2026, 13:18

“Nuk na pengojnë thirrjet ‘Rama-Berisha në

Kryetari i Partisë Demokratike, Sali Berisha, ka ritheksuar qëndrimin e PD lidhur me protestën që po zhvillohet prej javësh në vend, duke deklaruar se kryekërkesa mbetet largimi i kryeministrit Edi Rama dhe krijimi i një qeverie teknike për garantimin e zgjedhjeve të lira dhe të ndershme.

I pyetur nga Politiko.al gjatë një bashkëbisedimi me qytetarët, Berisha ka sqaruar gjithashtu qëndrimin e PD-së ndaj protestës dhe raportit me Partinë Popullore Europiane (PPE), duke theksuar se mbështetja e marrë në nivel ndërkombëtar lidhet me rezolutën e paraqitur nga vetë Partia Demokratike.

Ai ka mbrojtur pozicionin e PD-së për të mos u distancuar nga protestuesit pavarësisht thirrjeve kritike ndaj të dy kampeve politike, duke theksuar se protesta mbetet një lëvizje qytetare dhe rinore, të cilën demokratët e mbështesin pa ndërhyrje në organizimin e saj.

Pyetje nga Politiko.al: Në protestë dëgjohen thirrje ‘Rama në burg, Berisha në burg’ që reflektojnë pakënaqësi ndaj të dyja kampeve politike. Si e komentoni kontrastin mes masave të ndërmarra nga qeveria Rama ndaj protestuesve dhe mbështetjes politike që protesta mori nga Partia Popullore Europiane ku bën pjesë edhe PD-ja?

Sali Berisha: Për sqarim , mbështetja që mori nga Partia Popullore Europiane ishte rezoluta që paraqiti Partia Demokratike, në të cilën kërkoi mbështetje për protestën.
Kurse thirrjet, e kam theksuar dhe theksoj, ato thirrje as nuk e kanë penguar dhe as nuk do ta pengojnë kurrë Partinë Demokratike për t'i dhënë mbështetjen më të fuqishme protestës dhe do thoni ju pse?
Së pari, do të ishte tradhti e lartë po të mos mbështesje ata të rinj në idealet, ëndrrat, sakrificat e tyre.
Së dyti, të pesë kërkesat e tyre janë absolutisht kërkesa për të cilat Partia Demokratike ka vite që i mbron dhe lufton. Të gjitha ligjet që kërkohen të ndryshohen janë kërkesa shumë të drejta për të cilat ne i kemi kundërshtuar në komisionet parlamentare, i kemi kundërshtuar në deklarata publike, i kemi kundërshtuar në seancë parlamentare, i kemi kundërshtuar në dëgjesa publike, por në fakt për disa prej tyre kemi marrë dhe kemi paguar edhe çmimin për të cilin jemi krenarë.
Natyrisht, besoj se jemi dakord, kryekërkesa e protestës, prej 3-4 vitesh është dhe kërkesë kryesore e Partisë Demokratike: largimi i Edi Ramës dhe qeveri teknike për zgjedhje të lira e të ndershme.
Atëherë, ke të drejtë, a mund të pengohej Partia Demokratike për shkak të disa thirrjeve të opozitës së opozitës apo grupeve të paguara nga Xhorxh Sorosi apo të tjerë e të tjerë me radhë?
Absolutisht jo. Nuk mund të pengohesh kurrë.
Partia Demokratike zgjodhi rrugën më të drejtë. Partia Demokratike deklaroi se kjo nuk është protestë e saj dhe nuk bën asnjë përpjekje as më të voglën për ta ngjyrosur atë.
Është një protestë rinore, qytetare në të cilën kanë marrë pjesë me qindra dhe mijëra demokratë, anëtarë dhe anëtare, mbështetës dhe mbështetëse të thjeshtë, por edhe drejtues dhe deputetë të Partisë Demokratike, që të gjithë pa përjashtim si qytetarë të thjeshtë, në moton e një lëvizje qytetare.
Pra, ne kemi qenë luajalë, kemi mbështetur në rrafshin kombëtar dhe ndërkombëtar me të gjithë potencialet tona dhe do ta mbështesim këtë lëvizje, pa asnjë interferencë në mënyrë kategorike në problemet e saj të brendshme.

Të fundit