Flash News

Protestuesit urojnë Ramën për ditëlindje me tortë betoni

Protesta dhe miliardat përballë njëra-tjetrës, Rama: Projekti në Zvërnec do vijojë

Lamallari kërcënon avokatin me heqje licence pas akuzave për dhunë në qeli

U arrestua gjatë protestës te Kuvendi, gruaja e Altin Hilës: Protestoi për fëmijën tonë të sëmurë

OBSH shpall fundin e epidemisë së hantavirusit, shërohet edhe pacienti i fundit

Rajoni

Erdogan sulmon sërish Izraelin: Janë të varur nga lufta!

Politiko 4 Korrik 2026, 19:13

Erdogan sulmon sërish Izraelin: Janë të varur nga lufta!

Presidenti turk, Rexhep Tayip Erdogan ka sulmuar sërish qeverinë izraelite, duke e quajtur atë të “varur nga lufta”, dhe duke e akuzuar për nxitjen e tensioneve në Lindjen e Mesme dhe për minimin e përpjekjeve për uljen e tensioneve përmes diplomacisë.

“Ne, nga ana jonë, kemi mbështetur dhe vazhdojmë të mbështesim çdo hap që do të kontribuojë në uljen e tensionit në rajonin tonë dhe zgjidhjen e problemeve përmes diplomacisë”, tha ai, duke shtuar se Ankaraja po monitoron “me vëmendje të veçantë” lëvizjet e qeverisë izraelite, të cilën e akuzon se synon të minojë konsensusin.

Presidenti turk foli për një “udhëheqje sioniste”, të cilën e përshkroi si një “grup kasaphanësh”, duke pretenduar se ajo e lidh mbijetesën e saj politike me vazhdimin e konflikteve në rajon, ndërsa vuri në dukje se “veçanërisht nuk i lë të qetë Libanin dhe Sirinë”.

“Nuk duhet të lejojmë që qeveria aktuale e Izraelit, e cila është e varur nga lufta, ta zhytë përsëri rajonin tonë gjeografik në erën e barutit dhe gjakut”, theksoi ai, duke nënvizuar se Turqia kërkon një rend rajonal ku të gjithë banorët, pavarësisht fesë, do të jetojnë në paqe dhe siguri.

Të fundit