Flash News

“Urimi i ditëlindjes” për Ramën nga SHBA: Shqipëria në fokus të Kongresit për narkotrafik, korrupsion dhe krim të organizuar

Aksident i 6-fishtë pranë pikës kufitare në Morinë, 7 të plagosur

Zhurma e motorëve, shqetësim për Tiranën

Ndërtoi hotel pa leje në Ksamil, dënohet me 2 vite burg 52-vjeçari me shtetësi britanike

Dhuna ndaj protestuesve, Komiteti Shqiptar i Helsinkit: Policia përdori forcë joproporcionale, kërkojmë hetim

E-TJERA

4 Korriku, festa që ndryshoi historinë e SHBA-së: Si lindi dita e Pavarësisë

Politiko 4 Korrik 2026, 08:36

4 Korriku, festa që ndryshoi historinë e SHBA-së: Si lindi dita e

Çdo vit, më 4 Korrik, Shtetet e Bashkuara festojnë Ditën e Pavarësisë, një nga datat më të rëndësishme në historinë e vendit. Pikërisht më 4 korrik 1776 u miratua Deklarata e Pavarësisë, dokumenti që shënoi lindjen e një shteti të ri dhe shpalli zyrtarisht shkëputjen e 13 kolonive amerikane nga Britania e Madhe.

Megjithatë, historia fsheh një detaj interesant. Vendimi për t'u ndarë nga kurora britanike ishte miratuar dy ditë më herët, më 2 korrik 1776, nga Kongresi Kontinental. Për këtë arsye, një pjesë e historianëve argumentojnë se pikërisht kjo datë do të duhej të konsiderohej dita e vërtetë e pavarësisë, ndërsa 4 korriku mbeti data e miratimit dhe publikimit të Deklaratës.

Lufta Amerikane për Pavarësi kishte nisur në vitin 1775 dhe përfundoi tetë vite më vonë, në vitin 1783, kur Traktati i Parisit njohu zyrtarisht pavarësinë e Shteteve të Bashkuara dhe i dha fund konfliktit me Britaninë e Madhe.

Sot, 4 Korriku është një festë federale, e njohur zyrtarisht që prej vitit 1941. Në të gjithë vendin organizohen parada, koncerte, aktivitete sportive, piknikë familjarë dhe ceremoni përkujtimore, ndërsa miliona amerikanë mblidhen për të festuar këtë ditë simbolike.

Një nga elementët më karakteristikë të festimeve janë fishekzjarret. Tradita nisi që në vitin 1777, kur u organizuan shfaqjet e para për të shënuar përvjetorin e parë të pavarësisë. Që atëherë, ato janë bërë pjesë e pandashme e 4 Korrikut, me spektaklet më të mëdha që zhvillohen në Uashington, Nju Jork dhe qytete të tjera të mëdha amerikane.

Edhe sot, përdorimi i fishekzjarreve mbetet një nga simbolet më të forta të Ditës së Pavarësisë, ndonëse rregullat për shitjen dhe përdorimin e tyre ndryshojnë nga një shtet në tjetrin. Në shumë zona të SHBA-së qytetarëve u lejohet të përdorin lloje të caktuara fishekzjarresh edhe në ambiente private, duke e kthyer festën në një spektakël dritash që bashkon miliona njerëz çdo 4 Korrik.

Të fundit