Flash News

Irani dhe Katari rifillojnë tregtinë detare pas pesë muajsh ndërprerje

Gjykata liron shumicën e protestuesve, vetëm dy në "arrest shtëpie"; Avokati: Arrestimet ishin politike

“Der Spiegel”: Protesta që po trondit qeverinë Rama

Këlliçi nxjerr zbuluar Ramën: KKT miratoi draftin për park fotovoltaik në Porto Palermo

Kurbin/ Digjen qëllimisht 5 kamionë në një gurore

E-TJERA

Zjarr pranë plazhit të Tales në Lezhë, era favorizon përhapjen e flakëve

Politiko 5 Korrik 2026, 14:22

Zjarr pranë plazhit të Tales në Lezhë, era favorizon

Një zjarr i përmasave të mëdha ka përfshirë një zonë me kallamishte në plazhin e Tale, duke shkaktuar përhapje të shpejtë të flakëve përgjatë një hapësire të gjerë bregdetare.

Vatra e zjarrit është shfaqur rreth orës 08:00 të mëngjesit, ndërsa e favorizuar nga era e fortë, flakët janë përhapur me shpejtësi përgjatë gjithë brezit të mbuluar me kallamishte, në një gjerësi që varion nga 500 metra deri në 1 kilometër.

Në vendngjarje kanë mbërritur shërbimet zjarrfikëse të Lezhë, të cilat po punojnë për izolimin e vatrës së zjarrit.

Megjithatë, ndërhyrja në disa zona paraqitet e vështirë për shkak të terrenit kënetor që ndodhet mes plazhit dhe zonës me kallamishte.

Pranë vatrës ndodhen edhe disa struktura lokale shërbimi në zonën e plazhit, të cilat po monitorohen nga autoritetet. Shërbimet zjarrfikëse janë stacionuar në afërsi të tyre për të ndërhyrë në rast të përshkallëzimit të situatës apo rrezikut për përhapje të mëtejshme të flakëve.

Të fundit