Flash News

Koncert në vitin 2026

Kriza globale e fertilitetit: 54 milionë gra mbi 35 vjeç nuk arrijnë të mbeten shtatzënë

U vra në sallën e gjyqit, Shoqata e Gjyqtarëve kërkon që gjykatësi Astrit Kalaja të shpallet “Dëshmor i Atdheut”

"Shqiptarët kanë vrarë frikën", media italiane: Rama nuk është më i paprekshëm

“Shko direkt te Rama dhe merr lejen”, dëshmitë e arkitektëve të huaj në “The Albanian Files”

Ditari i Opozitës

"Skandal i padëgjuar", Berisha: Rama bllokoi udhëtimin e Begajt si kryetar i delegacionit në Ankara

Politiko 8 Korrik 2026, 19:56

"Skandal i padëgjuar", Berisha: Rama bllokoi udhëtimin e

Kryetari i Partisë Demokratike, Sali Berisha, ka hedhur akuzuar kryeministrin Edi Rama, se sipas tij, ka penguar Presidentin Bajram Begaj të marrë pjesë si kryetar i delegacionit shqiptar në Samitin e NATO-s të zhvilluar në Ankara.

Përmes një reagimi në rrjetet sociale, Berisha e cilëson ngjarjen si "një skandal të nivelit më të lartë", ndërsa shton se, sipas dy burimeve diplomatike, dokumentacioni protokollar i dërguar tek autoritetet pritëse parashikonte që delegacioni shqiptar të drejtohej nga Presidenti Begaj, ndërsa Edi Rama të ishte pjesë e tij si anëtar.

Sipas Berishës, Rama ka ndërhyrë për të ndryshuar këtë përfaqësim, duke i ndaluar Presidentit udhëtimin drejt Turqisë, si me avionin e delegacionit ashtu edhe me linjat tregtare. Ai pretendon se kryeministri udhëtoi i vetëm me bashkëshorten në një avion privat.

Reagimi i plotë: 

Një skandal i nivelit më të lartë!
Të dashur miq, dje ka ndodhur një skandal i nivelit më të lartë i padëgjuar kurrë më parë. Edi Rama bllokoi dje udhëtimin e Begajt si kryetar i delegacionit shqiptar në Samitin e NATO-s në Ankara.
Ndonëse shkresa e dërguar pranë autoriteteve protokollare pritëse sipas dy burimeve diplomatike informonte se delegacioni shqiptar kryesohej nga presidenti Bajram Begaj dhe anëtarë Edi Rama etj etj.
Por Rama në një akt antikushtetues ka kërcënuar si bandit Begajn dhe ka bllokuar udhëtimin e tij si në avionin-taksi të pronotuar nga delegacioni shqiptar ashtu dhe me linjat tregtare dhe është nis vetëm me bashkëshorten e tij me një avion që sipas mediave i kushton dhjetra e mijëra euro ora e fluturimit.
Diplomati Dixhital informon se ky sherr nisi një javë më parë në Shqipëri kur Ambasadori turk sipas tij i kërkoj takim dhe i dorëzoi ftesën për Samitin e NATO-s në Ankara Presidentit Bajram Begaj. Ky i fundit po sipas burimit i thotë ambasadorit se këto janë punë të Ramës ndaj mendoj se ftesa i duhet dërguar atij. Ambasadori iu përgjigj se kjo është përcaktuar nga protokolli i Samitit dhe ai vetëm përcjell ftesën. Rama thërret menjëherë ambasdorin turk dhe i kërkon që ftesa t’i vij atij. Nuk dihet më tej për ndërhyrjet e Ramës pranë presidencës turke. Por shkresa e dërguar për delegacionin përfaqësues të Shqipërisë në Samit sipas diplomatit është firmosur nga Begaj si kryetar delegacioni dhe Edi Ramën jo si zëvendëskryetar por thjesht anëtar delegacioni, gjë që nënkuptonte që në tryezën e Samitit në vendin e parë aty ku shkruhej Albania do ulej Begaj, dhe Rama do ulej në karriken pas shpinës së tij, po kështu në foton familjare në vendin e caktuar për Shqipërinë do fotografohej me pjesëmarrësit e tjerë Begaj si përfaqësues e vendit dhe jo Rama.
Për të gjitha këto Rama si gangster vendosi t’i ndalojë kreut të shtetit dhe kryekomandantit të forcave ushtarake të udhëtonte drejt Turqisë.
Dënoj me forcën më të madhe këtë akt të rëndë banditesk antikushtetues të Edi Ramës ndaj kreut të shtetit të vendit me të cilin ai dëshmon edhe njëherë përqendrimin e të gjitha pushteteve në duart e tij.

Të fundit