Flash News

Neomalësorja dhe Neosigurimsi

Ronaldo vazhdon të sfidojë kohën, vendos rekord të ri në Kupën e Botës

Rama indinjohet me raportin e PE: O është çmendur dhe korruptuar Europa, o ka diçka që nuk shkon...

Akademikët shqiptarë jashtë vendit mbështesin protestat: Dështimet e qeverisjes kanë sjellë këtë krizë

Dhunimi i çiftit në Fushë-Arrëz, flet i lënduari: 5 persona u prezantuan si policë...

Ditari i Opozitës

Berisha: PD mbështet protestën, Rama drejton një regjim pa legjitimitet

Politiko 17 Qershor 2026, 11:34

Berisha: PD mbështet protestën, Rama drejton një regjim pa
Kreu i opozitës takon Departamentin e Arsimit dhe akuzon qeverinë për autokraci, farsë elektorale dhe shtypje të pluralizmit.

Në një takim me Departamentin e Arsimit, kreu i Partisë Demokratike, Sali Berisha, deklaroi se PD e mbështet plotësisht protestën qytetare që po zhvillohet në Tiranë, duke e cilësuar atë si një kauzë të drejtë kundër një regjimi autokratik që, sipas tij, nuk ka dalë nga vota e lirë.

Berisha tha se protesta lindi si reagim ndaj dhunës së ushtruar ndaj një qytetari protestues, rrethimit me tela me gjemba të komunitetit dhe mungesës së transparencës për një projekt që prek një zonë me rëndësi të veçantë mjedisore dhe biodiversiteti.

Sipas tij, protesta ka marrë përmasa të paprecedenta, duke u kthyer në një nga lëvizjet më të mëdha qytetare të viteve të fundit. Ai theksoi se Partia Demokratike nuk e organizoi protestën, por vendosi ta mbështesë fuqishëm për shkak të asaj që e konsideron një kauzë legjitime në mbrojtje të të drejtave të qytetarëve.

Gjatë fjalës së tij, Berisha hodhi akuza të forta ndaj kryeministrit Edi Rama, duke e cilësuar qeverisjen e tij si një regjim autoritar që përdor institucionet shtetërore për të shtypur opozitën dhe pluralizmin politik.

Ai u shpreh se Partia Demokratike ka arritur të faktojë, në bashkëpunim me partnerët ndërkombëtarë, se zgjedhjet vendore të vitit 2023 dhe zgjedhjet parlamentare të 11 majit ishin “farsa elektorale”, të zhvilluara në kushtet e partisë-shtet.

PJESE NGA DEKLARATA

Edhe një herë një përshëndetje shumë të përzemërt, shpreh kënaqësinë që u takoj.
Kërkova të takohem me ju në një moment shumë kritik, në një moment kur Shqipëria ka nevojë më shumë se kurrë për mbështetjen e qytetarëve dhe intelektualëve të saj.

Një lëvizje rinore qytetare, për arsye tashmë të njohura, brutalitetit të egër, zvarritjes sikur të ishte një bishë të një qytetari që protestonte në mënyrën më paqësore, rrethimit me tela me gjemba sikur të ishte një kamp përqendrimi të një komuniteti, në shkelje më flagrante të Kushtetutës, ligjeve të vendit, por dhe ligjeve ndërkombëtare që detyrojnë qeveritë të informojnë për çdo gjë dhe të diskutojnë për gjithçka zhvillohet me komunitetin përkatës, dhe Shqipëria është palë në këtë konventë, Konventa e Aarhusit, pra, në mbrojtje të një kolonie të mahnitshme zogjsh dhe të një habitati biodiversiteti të shumë të pasur, bëri që të rinjtë dhe qytetarët e Tiranës dhe të Shqipërisë të shpërthejnë në një protestë, e cila në përmasat e saj nuk është parë kurrë në historinë e këtij vendi.


Një protestë kaq e fuqishme, kaq masive, kaq e qëndrueshme. I kalon, u them unë juve, të gjitha protestat e tjera.
Një protestë e drejtë, një protestë, e cila, po të marrim tre elementet e saj: të parin, brutalitetin ndaj qytetarit dhe shkelmimin e të drejtave të tij; brutalitetin ndaj komunitetit dhe rrethimin me tela me gjemba; dhe mungesën e plotë, 100%, të transparencës për një dosje, e cila kishte të bënte me një peizazh të mbrojtur të vendit tonë.

Në këtë kuadër, Partia Demokratike vendosi të respektojë në radhë të parë plotësisht këtë protestë, të cilën nuk e kishte thirrur ajo, por ta mbështesë atë fuqimisht, sepse kauza e saj ishte një kauzë e drejtë.
Ishte një kauzë e drejtë për arsye se veprimet ishin veprime tipike të një regjimi autokratik, të një regjimi pa legjitimitet, regjim që nuk ka dalë nga vota e lirë, dhe është në meritën më të madhe e kësaj partie, e cila arriti, në bashkëpunim me komunitetin ndërkombëtar, të vërtetojë se zgjedhjet, si të 14 majit, zgjedhjet lokale, dhe zgjedhjet e përgjithshme të 11 majit, ishin farsa elektorale.
U zhvilluan, siç përshkruajnë tashmë raportet ndërkombëtare, në kushtet e partisë-shtet. Zgjedhje në kushtet e partisë-shtet janë zgjedhjet e regjimeve totalitare.


Ky nuk është një regjim totalitar, por ky është një regjim që shtyp pluralizmin, përdor institucionet për shtypjen e pluralizmit, dhe ky është dallimi midis diktaturës totalitare dhe diktaturës autoritare.
Për të fituar zgjedhjet, Edi Rama, njëlloj si Zajedi i Tunizisë, arrestoi dy liderët e partive kryesore opozitare, dhe të tretin e vuri në ndjekje penale në vitin elektoral. Mobilizoi miliarda e miliarda fonde publike për të ndikuar.
Vetëm dy ditë para zgjedhjeve ai dha dhuratë për votë, 2 miliardë e 100 milionë euro gjoba dhe kamata.
Ai garantoi një listë prej 28 deputetësh me kartelin Troplini, kartelin Çela dhe kartele të tjera të drogës, organizata kriminale, saqë bëri të konkludojnë përfaqësuesit e Parlamentit Evropian se në Shqipëri rrotacionin nuk e lejon krimi i organizuar.

Të fundit