Flash News

Malta sekuestron ngarkesën me ushqime nga Shqipëria: Pa dokumente dhe pa kontroll temperature

Temperaturat arrijnë 38 gradë, si parashikohet moti sot

Protesta në Tiranë merr përmasë ndërkombëtare, 5 kërkesat i përcillen ambasadave perëndimore

KQZ shpall nesër rezultatet përfundimtare të zgjedhjeve në Kosovë

Dalin notat e provimit të Matematikës

SPORT

FIFA i ndalon hyrjen në stadium Merlinit, rosakut që u kthye në simbol të Botërorit 2026

Politiko 27 Qershor 2026, 15:01

FIFA i ndalon hyrjen në stadium Merlinit, rosakut që u kthye në

 Tifozët meksikanë u zhgënjyen pasi “ylli” i tyre nuk u lejua të ndiqte nga tribuna ndeshjen ndaj Çekisë, për shkak të rregullave të FIFA-s që ndalojnë hyrjen e kafshëve në stadiume.

Merlin, rosakut që është shndërruar në një nga simbolet më të pazakonta të kombëtares së Meksikës në Kupën e Botës 2026, është kthyer në një fenomen të vërtetë social gjatë këtij Botërori, aq sa tifozët kishin nisur një fushatë për ta futur në stadium si mbështetës zyrtar të “El Tri”. Megjithatë, FIFA nuk bëri asnjë përjashtim.

Rosaku u lejua vetëm në zonën përreth stadiumit “Azteca”, ku realizoi edhe një reportazh me rrjetin televiziv “Televisa”. I shoqëruar nga pronarja e tij, Karla Gomez, dhe djali i saj Kristian, Merlin mbërriti në një kafaz transporti, ndërsa shumë tifozë u mblodhën për ta parë nga afër.

Pavarësisht entuziazmit të madh, aventura e tij përfundoi në hyrje të stadiumit. Sipas FIFA-s, kafshët nuk lejohen brenda impianteve sportive për arsye sigurie dhe mirëqenieje, ndërsa organizata konfirmoi se ai mund të qëndrojë vetëm në perimetrin e jashtëm.

“Këto ditë kanë qenë të pabesueshme, nuk mund të ndalojmë së falënderuari njerëzit për mbështetjen ndaj Merlinit”, tha pronarja e tij, Karla Gomez, për Associated Press. Ndërkohë, rosaku vijon të mbetet një sensacion në rrjetet sociale dhe një figurë e dashur në Meksikë, i veshur shpesh me fanellën e gjelbër të kombëtares dhe i pranishëm në aktivitete të ndryshme publike.

Edhe pse nuk do të jetë në tribuna, mbështetësit e tij besojnë se “hajmalia” me pendë do të vazhdojë t’i sjellë fat kombëtares meksikane në Botërorin 2026.

 

Të fundit