Video/ "Mos më prekni", incidenti gjatë deklaratës për media, Rama tenton të prekë gazetaren

Një incident është shënuar në deklaratën për media të kryeministrit Edi Rama pas mbledhjes me drejtuesit politik të qarqeve.

Teksa u përgjigjej pyetjeve të gazetarëve, Rama ka replikuar me gazetaren e Syri TV, Ambrozia Mete. Kjo e fundit e pyeti Ramën lidhur me investimin e fundit që kërkon të bëjë në Sazan Jared Kushner, dhëndri i Donald Trump.

Në një moment kur gazetarja i ka thënë Ramës se sot nuk ka investime tek Porti i Durrësit pasi pallatet po shiten në gropë, Rama ka tentuar ta preke para se të largohet.

Por gazetarja është shmangur duke i thënë të mos e bëjë më.

Replikat:

Gazetarja: A do të jetë e njëjta kontratë si me atë të Portit të Durrësit, ku falen tokat, dhe taksat…

Rama: Latinët kanë një shprehje; Padia nuk është argument.

Gazetarja: Ju lutem një shifër sa fitojnë shqiptarët….

Rama: Shqiptarët nga gjithçka ne po bëjmë, po fitojnë këtë proces. Do të fitojnë në këtë proces. Nxitja e këtyre zhvillimeve, realizimi i këtyre zhvillimeve, pasuron shqiptarët, Shqipërinë, rrit ekonominë e saj. Injoranca nuk ka argument.

Gazetarja: A ka bërë shteti shqiptar një studim se sa do të fitojnë shqiptarët?

Rama: Sot ne flasim për një Shqipëri që bëhet konkurruese. Të tjerat janë muhabete kot. Flasim për një aplikim që do ta shqyrtojmë sipas ligjit.

Gazetarja: A po mendoni që t’i falni taksat?

Rama nuk i përgjigjet

Gazetarja: Në portin e Durrësit nuk ka investim, po shiten pallatet në gropë….

Rama: Shko shifi (Tenton ta prekë në fytyrë)

Gazetarja: Jo ju lutem, mos më prekni më!