Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

E-TJERA

Nga rritja e pagës minimale te dyfishimi i ndihmës ekonomike, prezantohet paketa e dytë anti-krizë

Politiko 8 Shtator 2022, 09:20

Nga rritja e pagës minimale te dyfishimi i ndihmës ekonomike,

Është prezantuar sot Paketa e Dytë e Rezistencës Sociale. Kryeministri Edi Rama, ministrja e Financës dhe Ekonomisë Delina Ibrahimaj dhe ministrja e Infrastrukturës dhe Energjetikës Belinda Balluku, kanë dhënë detaje nga masat e ndërmarra në kuadër të krizës.

Paketa e dytë e Rezistencës Sociale përfshin indeksimin e pensioneve me 7.5%, dyfishimin e ndihmës ekonomike për gratë kryefamiljare me dy fëmijë, rritjen e pagës për ushtarakët, mjekët, mësuesit, si edhe rritjen e pagës minimale në 34 mijë lekë.

Përpos këtyre, Rama u shpreh se do të vijojë mbështetja e fermerëve për taksën e naftës, si edhe mosrritjen e çmimit të biletës për transportin.

“Do të kemi një indeksim të pensioneve të llogaritur me normën e indeksionit. Kjo do të ndodhë edhe për persona me aftësi të kufizuara, do të bëjmë një ndërhyrje me 7.5% për të gjithë Do të rrisim me 10% ndihmën ekonomike dhe do ta dyfishojmë për gratë kryefamiljare me dy fëmijë. Të gjitha gratë kryefamiljare që janë në kushtet e papunësisë do të marrin një ndihmë ekonomike të dyfishuar. Do të vazhdojmë programin e rritjes së pagave siç është paralajmëruar për sektorët prioritarë me buxhetin dhe afatin e vitit të ardhshëm, pasi kemi rritur me efekt nga muaji korrik pagat për ushtarakët, mjekët, mësuesit, do t’i rrisim përsëri. Sot me ndërhyrjen e dytë dhe një paketë rezistence afatmesme do të rrisim pagat për administratën që nuk ishin prekur prej shumë kohësh dhe do të rrisim pagat për pol e shtetit dhe për pol e burgjeve dhe këto trupa që nuk kishin rritje pagash prej kohësh pas një rritje masive që kishin marrë disa kohë më parë. Rrisim pagën minimale nga 32 në 34 mijë lekë. Nuk do të ketë pagë më të ulët se 34 mijë lekë në RSH dhe me këto ndërhyrje besoj se i kapërcejmë në aspektin financiar paketat e natyrës një pako për 2 apo për 3 muaj dhe pastaj s’ka tjetër dhe krijojmë një bazë të rëndësishme, të zgjeruar rezistence të të gjitha këtyre kategorive në raport me situatën e inflacionit dhe garantojmë me laps në dorë, mosrënien dramatike të fuqisë blerëse por përkundrazi lëvizjen në ekonomi. Mbështetja për naftën pa taksa për fermerët, rrisim financimin, mbështetja për TVSH-në e peshkimit rrisim financimin, mosprekja e çmimit të biletës së transportit”, u shpreh Rama.

Nga rritja e pagës minimale te dyfishimi i ndihmës ekonomike,