Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Ministria e Brendshme përjashton Komitetin e Helsinkit nga Komisioni i Azilit: Nuk iu përgjigj propozimit

Politiko 15 Prill 2022, 11:19

Ministria e Brendshme përjashton Komitetin e Helsinkit nga Komisioni i

Komiteti Shqiptar i Helsinkit ka njoftuar publikun përmes një letre, se është përjashtuar nga Komisioni Kombëtar për Azilin dhe Refugjatët, pa dijeninë e tyre, raporton BIRN.

Në letrën e KShH, nënvizohet se heqja e përfaqësimit nga Minsitria e Brendshme është bërë 6 muaj më parë, por nuk iu është adresuar asnjë informacion ose njoftim për vendimin.

“Me shqetësim, referuar pikës 2 të këtij vendimi, vërejmë se KShH nuk është më anëtar i Komisionit, i cili tashmë përbëhet vetëm nga përfaqësues të katër Ministrive si pjesë e Këshillit të Ministrave, dhe një përfaqësues nga Shërbimi Informativ i Shtetit. Shprehim me anë të kësaj letre të hapur, keqardhjen tonë lidhur me këtë ndryshim, i cili përbën një regres në drejtim të standarteve të mëparshme të transparencës, përgjegjshmërisë dhe llogaridhënies, për përfaqësimin e sektorit të shoqërisë civile në përbërjen e këtij Komisioni,” shkruhet në letër.

Komisioni i Azilit është një institucion që vendos se cili nga refugjatët e huaj që kanë bërë kërkesë për mbrojtje në Shqipëri meriton apo jo t’i jepet azil. Institucioni shqyrton rastet e shtetasve të huaj, të cilët kërkojnë mbrojtje në Shqipëri për shkak se mund të jenë viktima të persekutimit në vendin e tyre për arsye të bindjeve politike, besimit fetar, përkatësisë etnike e të tjera

Vendimi për përjashtimin vjen në një kohë kur Ministria e Brendshme dhe Policia e Shtetit po përballen me akuza në rritje për dhunim të të drejtave të njeriut. Vetë komisioni i azilit është institucioni i akuzuar se lejoi ekstradimin e paligjshëm të shtetasit turk Harun Çelik në janar të vitit 2020.

Policia e Shtetit u kritikua në raportin e fundit të Departamentit Amerikan të Shtetit për të drejtat e njeriut se ka mbajtur njerëz të ndaluar pas protestave të dhjetorit të kaluar përtej afateve ligjore të përcaktuara.

Pas publikimit të këtij lajmi, Ministria e Brendshme iu përgjigj kërkesës së BIRN për një koment lidhur me letrën e Komitetit Shqiptar të Helsinkit. Ministria në reagimin e saj, thotë se përjashtimi është bërë pasi komiteti nuk i është përgjigjur kërkesës për një koment lidhur me propozimin e anëtarësisë.

“Në kushtet kur me miratimin e ligjit të ri “Për azilin”, numri i anëtarëve të Komisionit Kombëtar për Azilin e Refugjatët nga 7 anëtarë, që ishte me ligjin e shfuqizuar, u reduktua në 5. Në draftin e parë (bashkëlidhur në foto), KSHH propozohej të kishte anëtar, duke hequr anëtarin e MAS. Por KSHH nuk i ktheu komente Ministrisë së Brendshme, ndërsa Ministria e Arsimit dhe Sportit me shkresë datë 11.10.2021 kërkoi të ishte e përfaqësuar me anëtar në Komision, atëherë në Këshillin e Ministrave është propozuar projektvendimi që u miratua në datë 10.11.2021. Edhe pse me legjislacionin e ri në fuqi, KShHH nuk përfaqësohet me anëtar në Komision, do të ketë gjithmonë ftesë për të shprehur qëndrime nëse ka për çdo rast, pavarësisht se nuk ka të drejtë vote,” deklaroi ministria.