Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Fatura "të kripura": Sa zbraz qeveria nga xhepat e shqiptarëve për të shlyer borxhet

Politiko 22 Qershor 2023, 17:30

Fatura "të kripura": Sa zbraz qeveria nga xhepat e

Buxheti i këtij viti parashikon shpenzime për interesat e borxhit të jashtëm në vlerën e 21.76 lekë ose ndryshe 200 milionë euro. Nga të dhënat e analizuara ndëri vite, shifra rezulton të jetë rritur ndjeshëm, kjo për shkak të huamarrjes dhe eurobondit.

Scan Intel ka bërë një përllogaritje se sa paguan mesatarisht një shqiptar për të shlyer interesat e borxhit të jashtëm të marrë nga qeveria. Mesatarisht, një shqiptar paguan 7,878 lekë në vit, e barabartë me rreth 73 euro. Shifra përfaqëson interesat vjetore të borxhit të jashtëm për frymë

Për një familje mesatare, që në Shqipëri fiksohet në 3.7 anëtarë, shpenzimi mesatar vjetor vetëm për interesat e borxhit fiksohet pranë rreth 29 mijë lekëve, e barabartë me rreth 270 euro për familje, që në muaj shifra përkthehet në 2400 lekë ose rreth 22 euro.

Nëse në përllogaritje përfshijmë edhe borxhin e brendshëm, fatura për shqiptarët pëson një rritje të ndjeshme gati në dyfish. Interesat e borxhit të jashtëm për vitin 2023 parashikohen pranë rreth 22 miliardë lekëve, ato të borxhit të brendshëm fiksohen në rreth 34 miliardë lekë dhe të rezervës pranë rreth 4 miliardë lekësh, që përbëjnë një total prej 60 miliardë lekësh.

Në një vit qeveria shqiptare paguan interesa borxhi në rreth 550 milionë euro, thuajse e barabartë me vlerën e një eurobondi të viteve të fundit. Për frymë kjo shifër përkthehet në rreth 22 mijë lekë në vit, dhe për familje në mbi 80 mijë lekë në vit.

Pra, mesatarisht në vit qeveria shqiptare paguan interesa borxhi prej rreth 550 milionë eurosh, të cilat për secilin prej nesh përkthehen në rreth 200 euro në vit, dhe për çdo familje në mbi 700 euro në vit.

Të fundit