Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Bota

Putin urdhëroi forcat bërthamore të jenë në gatishmëri, Shtëpia e Bardhë i përgjigjet vendimit

Politiko 27 Shkurt 2022, 19:45

Putin urdhëroi forcat bërthamore të jenë në

Sekretarja e shtypit e Shtëpisë së Bardhë, Jen Psaki, tha se vendimi i presidentit rus Vladimir Putin për të vënë në gatishmëri të lartë forcat e parandalimit të Rusisë, të cilat përfshijnë armët bërthamore, janë pjesë e një modeli më të gjerë të përshkallëzimit të paprovokuar dhe "kërcënimeve të prodhuara" nga Kremlini.

"Ky është me të vërtetë një model që ne e kemi parë nga Presidenti Putin gjatë rrjedhës së këtij konflikti, i cili po prodhon kërcënime që nuk ekzistojnë për të justifikuar agresionin e mëtejshëm - dhe komuniteti global dhe populli amerikan duhet ta shikojnë atë, përmes atij prizmi," tha Psaki për George Stephanopoulos në ABC në "This Week".

Për më tepër, një zyrtar i lartë i administratës tha për CNN, se masa e Putinit ishte "një tjetër hap përshkallëzues dhe krejtësisht i panevojshëm."

“Në çdo hap të këtij konflikti Putini ka prodhuar kërcënime për të justifikuar veprime më agresive – ai kurrë nuk ka qenë nën kërcënim nga Ukraina apo nga NATO, e cila është një aleancë mbrojtëse që nuk do të luftojë në Ukrainë”, tha zyrtari.

"E vetmja arsye pse forcat e tij përballen me një kërcënim sot është sepse ata pushtuan një vend sovran dhe një vend pa armë bërthamore. Ky është një hap tjetër përshkallëzues dhe krejtësisht i panevojshëm," shtuan ata.

Lëvizja e Putinit vjen përballë dënimit universal nga fuqitë perëndimore për sulmin e paprovokuar të Moskës ndaj Ukrainës, tashmë në ditën e katërt.

“Zyrtarët e lartë në vendet udhëheqëse të NATO-s i kanë lejuar vetes të bëjnë komente agresive për vendin tonë, prandaj urdhëroj Ministrin e Mbrojtjes dhe shefin e Shtabit të Përgjithshëm të vendosin Forcat e Parandalimit të Ushtrisë Ruse në gatishmëri luftarake”, tha Putin në një transmetim televiziv, në takim me zyrtarë të lartë të mbrojtjes ruse.

Putin tha gjithashtu se sanksionet perëndimore të vendosura ndaj Rusisë ishin të paligjshme.

Ambasadorja e SHBA-së në Kombet e Bashkuara, Linda Thomas-Greenfield në mënyrë të ngjashme i cilësoi veprimet e Putinit si shkallëzuese të panevojshme, duke thënë për CBS Neës se ai "po vazhdon të përshkallëzojë këtë luftë në një mënyrë që është krejtësisht e papranueshme".

“Ne duhet të vazhdojmë të dënojmë veprimet e tij në mënyrën më të fortë të mundshme”, tha ajo për CBS Neës. "Putini ka provuar çdo mjet të mundshëm për të vënë në fakt frikën në botë për sa i përket veprimit të tij, dhe kjo thjesht do të thotë se ne duhet të shtojmë përpjekjet tona këtu në Kombet e Bashkuara dhe gjetkë për ta mbajtur atë përgjegjës."