Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Rajoni

Gjermania zgjedh emisarin për Ballkanin Perëndimor, kush është Manuel Sarrazin

Politiko 21 Shkurt 2022, 09:29

Gjermania zgjedh emisarin për Ballkanin Perëndimor, kush

Manuel Sarrazin, ish-deputeti i Bundestagut për Aleancën 90/Të Gjelbrit, do të emërohet Përfaqësues i Posaçëm për Ballkanin Perëndimor nga qeveria e re gjermane.

Mediet vendeve raportojnë se ky do të jetë një pozicion i ri në administratën shtetërore, raporton European Western Balkans. Përfaqësuesi i ri i Ballkanit Perëndimor duhet të mbështesë procesin e anëtarësimit në BE të vendeve në fjalë dhe të promovojë transformimin ekologjik në sektorët industrialë dhe energjetikë të rajonit.

Manuel Sarrazin, i cili me profesion është historian, ka qenë deputet i Bundestagut nga viti 2008 deri në vitin 2021. Aktualisht është president i Shoqatës së Evropës Juglindore (Südosteuropa-Gesellschaft), e cila është e specializuar në marrëdhëniet e Gjermanisë me rajonin.

Në korrik 2021, në një intervistë për EWB, Sarrazin u shpreh se shumë nga problemet e procesit të zgjerimit janë bërë vetë në rajon nga vendet kandidate.

“Një cilësi në rënie e demokracisë, e lirisë së medias dhe kërkimi i lidhjeve të veçanta me aktorët e jashtëm autoritar nuk do të ndihmojë për t'u bërë një vend anëtar i BE-së dhe qeveritë e rajonit e dinë këtë. Megjithatë, edhe BE-ja ka shumë detyra shtëpie për të bërë, veçanërisht kur bëhet fjalë për përdorimin e procesit të zgjerimit nga shtetet anëtare për të përfituar në konfliktet dypalëshe me vendet kandidate ose sepse kanë frikë nga pasojat në zgjedhjet e tyre kombëtare. Ne duhet të kthehemi në një proces të bazuar në merita kur bëhet fjalë për procesin e zgjerimit”, tha ai.

Nga viti 2004 deri në 2008 Sarrazin ishte anëtar i Parlamentit Shtetëror të Hamburgut. Ai ishte anëtar i Komisionit për Çështjet Evropian dhe Komisionit për Punët e Jashtme. Nga viti 2008 deri në vitin 2013, ai ka shërbyer edhe në Nënkomisionin për Çështje Evropiane të Komisionit Buxhetor. Ai ishte zëdhënës i grupit të tij parlamentar për politikën e Evropës Lindore.

Përveç detyrave të tij në komision, Sarrazin shërbeu si nënkryetar i Grupit Parlamentar të Miqësisë Gjermano-Polake nga 2018 deri në 2021.

Në negociatat për të formuar një koalicion të ashtuquajtur semaforik të Partisë Social Demokrate (SPD), Partisë së Gjelbër dhe Partisë Demokratike të Lirë (FDP) pas zgjedhjeve federale të vitit 2021, Sarrazin ishte pjesë e delegacionit të partisë së tij në grupin e punës për Çështjet evropiane, të bashkëkryesuara nga Udo Bullmann, Franziska Brantner dhe Nicola Beer.