Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Trafikoi 6 ton kokainë nga Holanda në Milano, mediat italiane: Dodaj u mbrojt nga qeveria shqiptare

Politiko 25 Gusht 2023, 13:39

Trafikoi 6 ton kokainë nga Holanda në Milano, mediat italiane: Dodaj

Mediat italiane kanë hedhur dyshime se trafikanti Edmond Dodaj ka pasur mbrojtje politike në Shqipëri.

‘Corriere della Sera’ shkruan se 42-vjeçari shqipatar i cili u arrestua pas 10 viteshn në kërkim ditën e djeshme në Laç kishte futur më shumë se 6 ton kokainë në Milano. Droga vinte nga Holanda dhe Dodaj njihej si një nga trafikantët më të mëdhenj.

Por dilema më e madhe është se si ai arriti të fshihej për më shumë se 10 vite. Presitigjozia italiane thekson se Dodaj veproi gjatë kohës kur në pushtet ishte Saimir Tahiri, një nga bashkëpunëtorët më të ngushtë të Edi Ramës.

“Pesha e mosveprimit 10-vjeçar është e padiskutueshme, duke pasur parasysh rolin e Dodajt në trafikun kontinental të drogës, megjithatë po hapen vëzhgime dhe po ngrihen pyetje nga hetuesit. Ndërkohë, pritshmëria e magjistratëve për të dëgjuar nga personi në fjalë, sapo të ekstradohet, është evidente, por mbetet për t’u parë nëse kanalet diplomatike dhe gjyqësore do të mund të vendosin ‘narcos-in’ në një avion drejt Italisë,” shkruan gazeta.

Pastaj nuk mund të mos vëresh dy elementë. E para: Dodaj ka qenë operacional, para se të zhdukej, në sezonin e pushtetit të ministrit të Brendshëm, Saimir Tahiri, një nga bashkëpunëtorët e ngushtë të Edi Ramës (kryeministër atëherë dhe tani), dhe në vitin 2019 u dënua se kishte mbështetur trafikun e kokainës të disa të afërmve. Çfarë mund të thotë kjo? Se mbrojtja vendimtare, që gëzonte Dodaj në nivel politik, ka rënë dhe për rrjedhojë ai ka hyrë në listën e kriminelëve prej të cilëve mund të shpëtohet, pikërisht duke ia dorëzuar atij që e kërkon.

Elementi i dytë: edhe pse i ri në moshë, ish-i arratisuri i përket ‘shkollës së vjetër’ të bandave shqiptare, pra do të ishte anakronik në dinamikën aktuale të bandave të bashkatdhetarëve që kanë kohë që janë ngjitur në pozicione duke u shndërruar nga ‘punëtorë të pakualifikuar’ në ‘interlokutorë të privilegjuar, si nga Ndragheta, ashtu edhe nga Amerika Latine,” shkruan gazeta.

Të fundit