Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Puna nga shtëpia për kursim energjie, fitim për punëdhënësin dhe humbje për punonjësin

Politiko 23 Mars 2022, 10:28

Puna nga shtëpia për kursim energjie, fitim për

Qeveria propozoi tre ditë në javë punë nga shtëpia me qëllim kursimin e energjisë. Kryeministri Edi Rama pohoi se kjo alternativë mund të ishte një nga mënyrat që do të sillte më pak konsum të energjisë.

Por, në fakt ndodh e kundërta. Të punuarit nga shtëpia rrit faturën e energjisë elektrike për punonjësin. Një studim i kryet nga Sindikata Kombëtare e Operatorëve të Telefonisë, tregon se puna nga shtëpia e ka rritur faturën e energjisë elektrike për punonjësit, e sidomos të call center-it, me gati 20-25%.

Kreu i sindikatës Ilir Xhemalaj tha për SCAN TV, se paga e punonjësve nuk mbulon këto shpenzime të shtuara. Ai shton se puna nga shtëpia ose ‘telepuna’, ka rritur përfitimet ekonomike për punëndhënësit, ndërsa është pasuar me humbje për punonjësit.

Sipas tij, propozimi i qeverisë pasohet me efektin e kundërt duke sjellë më shumë konsum energjie nga punonjësit, por edhe energjia paguhet më lirë.

“Kemi marrë faturat e energjisë elektrike dhe faturat e ujit të operatorëve të ndryshme. Kemi vërejtur një rritje mesatare prej 2-25% të kostove të energjisë elektrike. Ndërsa pagesa që iu ofrohet është një pagesë minimale që nuk i mbulon shërbimet ekstra që iu kërkohen. Punëdhënësit kanë parë shumë benefite se kanë ulur kostot. Kanë ulur kostot e energjisë, kostot e qerasë së zyrave. Puna nga shtëpia është përkthyer në fitim për punëdhënësin dhe humbje për punëmarrësin”, tha Xhemalaj.

Të dhënat konfirmohen edhe nga INSTAT, pasi përdorimi i energjisë elektrike nga konsumatorët familjarë u rrit me 7,8 %,  në vitin 2020, në raport me 2019, që nuk ishte një vit pandemik.

Ndërkohë që, gjatë vitit 2021 rritja e konsumit të energjisë nga konsumatorët familjarë ishte 4.2% Paralelisht, çmimi me të cilin e paguajnë energjinë familjet është 9.5 lekë/kwh, një vlerë që në krahasim me çmimet e energjisë për biznesin është më e ulët.

Të fundit