"Pas 4 orësh ende në vendngjarje që të mos manipulohet", gazetarja rrëfen reagimin e mamasë së 5-vjeçares që humbi jetën

Ngjarja e sotme, ku ish-shefi i komisariatit të Himarës goditi për vdekje 5-vjeçaren, ka tronditur mbarë opinionin publik.

Gazetarja Esmeralda Keta ka rrëfyer momentet pas tragjedisë, pasi edhe ajo ndodhej me familjen e saj me pushime. Në një rrëfim të gjatë në Facebook, Keta shkruan se sa shumë ka ndikuar kjo ngjarje tek ajo dhe pushuesit që ishin aty.

Ajo tregon dhe momentin me mamanë e vogëlushes, teksa ajo i ka dhënë forcë gazetares që të shijojë fëmijët e saj.

"E vetmja gje qe mund te benin ishte ti jepnim nje perqafim e ajo mu drejtua, kur pa femijet e mi: "Shijoni njeri -tjetrin. Mos lejoni hallet t' ju mbysin. Une e humba pergjithmone vogelushen time". E mbytur ne lot dhe mes asaj dhimbje ajo grua kishte force te na thoshte nje fjale te mire,"- shkruan Keta.

Ndërkohë. më tej gazetrja tregon se mamaja e 5-vjeçares është ende në vendngjarje edhe pas 4 orësh, nga frika se mos manipulohet ngjarja.

Postimi i plotë:

Vetëm pak metra larg fëmijëve të mi që po laheshin ne det, një 5-vjecare e bukur, me kacurrela te arta, u masakrua nga një skaf...Per te kuptuar se sa dramatike ishte ngjarja mjafton tu them se asnje prej dhjetra pushuesve nuk guxonte të futej në det e të nxirrte trupin e vogushes së pafat, vetëm një hollandez qe punonte tek ndihma e shpejte pati kurajon te mblidhte trupin e vogelushes....

Familja me origjinë nga Tropoja por që jetonte në Kanada, vetëm dje pasdite kish mbërritur ne Potam per te kaluar pushimet që u kthyen në tragjedi.

Kush e ka fajin?

Nê vendin ku ndodhi ngjarja kishte kordon sigurie per mjetet e lundrimit, por te gjithe ne kemi nevoje te dime a jane me licencë këto kordone? Nese po, a jane ato konform ligjit? Qe do te thote te jene te taposura, te jete i lire kordoni dhe te mos vendosen cadra ne vendin qe i korespondon kordonit, te kete njerez qe ndihmojne dhe udhezojne mjetet qe dalin ne breg, por edhe qe nuk i lejojne pushuesit te lahen brenda tij.. n

Nese nuk i plotesojne keto kushte atehere, ata qe e kane per detyre ta monitorojne duhet te mbajne pergjegjesi.

Duke pare se sa shume kordone te tilla ka pergjate vijes bregdetare duhet te marre fund mania qe cdo lokal te kete dalje ne det...

Do ta kem të vështirë të shkul nga mendja fytyrën e së ëmës se vogelushes, teksa nje kordon i gjate pushuesish shkoi te ngushellonte. E vetmja gje qe mund te benin ishte ti jepnim nje perqafim e ajo mu drejtua, kur pa femijet e mi: "Shijoni njeri -tjetrin. Mos lejoni hallet t' ju mbysin. Une e humba pergjithmone vogelushen time". E mbytur ne lot dhe mes asaj dhimbje ajo grua kishte force te na thoshte nje fjale te mire, ndersa ne nuk ia mbrojtem dot vogelushen e saj. Edhe pas 4 oresh nga ngjarja ajo vazhdon e qendron ende ne skenen e krimit, nga frika se mos e manipulojne ngjarjen...