Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mision apo propagandë? “Corriere della Serra”: Mjekët shqiptarë na kushtuan 3 mln €, nuk dhanë asnjë kontribut

Politiko 28 Mars 2022, 18:09

Mision apo propagandë? “Corriere della Serra”: Mjekët

Një delegacion i përbërë me 30 mjekë dhe infermierë shqiptarë, u nis drejt Italisë rajonit të Brescias dhe Lombardisë, për të ndihmuar bluzat e bardha atje me kujdesin dhe mjekimin e të sëmurëve me Covid-19.

Delegacioni u nis nga Tiranë më 28 Mars të vitit 2020. Asokohe, ministrja e Shëndetësisë Ogerta Manastriliu, deklaroi se pjesë e delegacionit ishin mjekë, infermierë e specializantë të rinj. Por, pak ditë më pas në media u raportua se pjesë e delegacionit të mjekëve dhe infermierëve, ishte edhe një pompist që nuk kishte lidhje me profesionin e tyre.

Përveç kësaj delegacioni i mjekëve shqiptarë në Itali, u përfshi në një skandal raportuar masivisht nga mediet italiane. Në përfundim të misionit të tyre, mjekët shqiptarë ishin duke festuar me pije alkoolike dhe muzikë në dhomat e hotelit, gjë që në atë periudhë ishte e ndaluar për shkak të karantinës. Mjekët u gjobitën nga autoritetet italiane me 500 euro secili.

E përditshmja italiane “Corriere della Serra”, i është rikthyer operacionit “të bujshëm” të mjekëve shqiptarë, veçanërisht në rajonet e Brescias dhe Lombardisë, aty ku kishte më shumë të infektuar me Covid-19.

Media italiane shkruan se “Shqiptarët ishin miq në Brescia, siç qe dhe ekipi i mjekëve rusë duke na kushtuar 3 milionë euro. Po a ishin të nevojshëm?”.

“Corriere della Serra” rikujton skandalin e mjekëve dhe infermierëve shqiptarë që festuan me alkool në hotel duke shkelur rregullat e karantinës.

“Tashmë janë bërë të njohura ahengjet me pije alkoolike të shqiptarëve në hotelin e tyre në Brescia, madje edhe gjobat e majme që morën për grumbullimet, masa këto që çuditërisht u ‘zhdukën’ falë marrëveshjeve mes dy qeverive, asaj shqiptare (Edi Rama) dhe italiane (me rolin e Luigi Di Maio)”, thuhet në artikull.

E përditshmja italiane citon në artikull edhe Sekretarin e Përgjithshëm të Kryeministrisë Engjëll Agaçi. “Corriere della Serra” e cilëson si një avokat i cili ka shërbyer edhe për mbrojtjen e trafikantëve të mëdhenj të drogës.

“Pas kësaj, në këtë rrëfim duhet të evidentojmë për rekord veprimin e avokatit të famshëm shqiptar Engjëll Agaçi, shpeshherë mbrojtës i trafikantëve të mëdhenj të drogës dhe një njeri shumë i dëgjuar nga institucionet tona”, shkruhet në artikull.

Në shkrim nënvizohet se dërgimi i delegacionit shqiptar në Itali në fluksin e infektimeve dhe në një kohë kur rajoni i Lombardisë ishte shpallur “zonë e kuqe” ishte një lëvizje diplomatike e kryeministrit Rama për të avancuar kreditet dhe për të marrë pikë të mëtejshme në garën për anëtarësim në Bashkimin Evropian.

Artikulli i përgjigjet pyetjes së fillimit “a ishin të nevojshëm mjekët shqiptarë” duke shkruar se “gratë dhe burrat e Ramës nuk kanë dhënë asnjë kontribut të rëndësishëm. Duke u nisur, natyrisht, nga pompisti i karburantit, i cili u bë ekspert i sëmundjeve infektive”.