Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Mediat malazeze ‘zbërthejnë’ laboratorin e drogës në Fier: Kokaina u gjet në pronën e zyrtarit të PS

Politiko 25 Nëntor 2022, 10:40

Mediat malazeze ‘zbërthejnë’ laboratorin e drogës

Një laborator droge u zbulua pasditen e djeshme në Frakull të Fierit. SPAK, DEA amerikane dhe policia malazeze nisën një operacion në kuadër të të cilit u lëshuan disa urdhër-arreste.

Sasia e kokainës e përzierë në rreth 600 thasë me pleh kishte ardhur nga Amerika Latine dhe u kap në Portin e Tivarit në Mal të Zi. Mediat malazeze kanë dhënë detaje nga operacioni i përbashkët me SHBA-në dhe Shqipërinë.

Sipas Vijesti, kokaina e përzierë me plehun artificial mbërriti në Portin e Tivarit në mes të muajit korrik. Zyrtarët e Qendrës Mjekoligjore të Danilovgradit kanë konstatuar se në thasë me pleh është gjetur kokainë e dekompozuar kimikisht.

Inspektorët vendosën të mos e sekuestrojnë drogën, por të prisnin klientit i cili e kishte porositur dërgesën. Bëhet fjalë për një hetim 4-mujor, ku sipas Vijesti, shtetasi një shtetas shqiptar ka marrë përsipër ngarkesën, i cili identifikohet si Viktor Çervanaku, ish-kryekomunar i PS në Fier.

Sinjali i parë që paletat ishin ngarkuar me diçka më të shtrenjtë dhe jo me pleh artificial, ishte diferenca e madhe në vlerën e ngarkesës dhe transportit të saj. Kontrolli ka nisur fill pasi u pikas diferenca në ngarkesë, më pas aksionit i është bashkua edhe DEA dhe policia shqiptare.

15 persona janë arrestuar dje gjatë zbatimit të aksionit.

Ish-drejtoresha e Drejtorisë së të Ardhurave dhe Doganave, Rada Millosheviç, ka thënë mbrëmë për “Vijesti” se policët kanë zbuluar një ngarkesë me kokainë në thasë me pleh.

“Bëhet fjalë për një ngarkesë me pleh të porositur nga një person fizik nga Shqipëria. Kam porositur një skanim të kontejnerit dhe skaneri nuk tregoi asgjë të dyshimtë, por edhe pas kësaj pata dyshim se ngarkesa ishte e dyshimtë, sepse këtë e tregoi analiza e sektorit në administratë, e cila në atë kohë ishte me në krye Zheljko Ivanoviq. Kemi kërkuar nga policia dhe nga qendra mjeko-ligjore që të bëjnë një analizë laboratorike, e cila ka treguar se kokaina është dekompozuar në pleh”, tha Millosheviç.

Sipas pretendimeve, midis 300 dhe 400 kilogramë kokainë ishin përzier me pleh.

“Përfaqësuesit e Drejtorisë së të Hyrave dhe Doganave dhe Drejtorisë së Policisë së bashku e kanë informuar prokurorinë, pas së cilës është marrë vendim që të bëhet dërgesa e kontrolluar dhe gjithçka të mbahet e fshehtë, gjë që kemi bërë”, tha Millosheviç.