Flash News

E-TJERA

Luksemburgu ndëshkon Shqipërinë që në minutën e 8-të

Luksemburgu ndëshkon Shqipërinë që në minutën e

Shqipëria e ka nisur në disavantazh miqësoren ndaj Luksemburgut, me skuadrën mike që ka gjetur golin shumë herët në sfidën që po luhet në “Air Albania”.

Pas humbjes minimale ndaj Izraelit, kuqezinjtë kërkonin të riktheheshin te rezultatet pozitive në ndeshjen e dytë nën drejtimin e trajnerit Rolando Maran, por fillimi i takimit nuk ka qenë ai i dëshiruar.

Luksemburgu shfrytëzoi një moment pasigurie në repartin mbrojtës të Shqipërisë dhe në minutën e 8-të kaloi në avantazh. Aksioni u zhvillua nga krahu i majtë, ku Dardari depërtoi në zonë dhe shërbeu për Sinanin, i cili finalizoi me saktësi përballë portës, duke i dhënë epërsinë skuadrës së tij.

Goli i hershëm ka vënë në vështirësi kuqezinjtë, të cilët tashmë janë të detyruar të reagojnë për të shmangur një tjetër rezultat zhgënjyes para tifozëve.

Të fundit