Flash News

Shpërthen protestuesi që vuan nga kanceri: Onkologjiku, Aushvic në mes të Tiranës

Europarlamentari paralajmëron: Nëse Shqipëria ngel jashtë BE-së, do të jeni në duart e Kinës e Rusisë

Europarlamentari: Të gjithë janë pro Shqipërisë në BE, por a mund të kemi Ramën në Këshillin Europian?

Aksident në aksin Pogradec–Qafë Thanë, dy të plagosur

Shqiptarët punojnë 41 orë në javë, por një orë pune prodhon vetëm 995 lekë

Ditari i Opozitës

Berisha: Rama po grabit kanionin e Gjipesë, po përdor Ardit Bidon për të falsifikuar dokumentet

Politiko 6 Qershor 2026, 13:34

Berisha: Rama po grabit kanionin e Gjipesë, po përdor Ardit Bidon

Kryetari i Partisë Demokratike, Sali Berisha, ka hedhur akuza të forta ndaj kryeministrit Edi Rama lidhur me çështjen e pronësisë së Kanionit të Gjipesë.

Gjatë një bashkëbisedimi me qytetarët në rrjetet sociale, Berisha deklaroi se po tentohet grabitja e kësaj pasurie natyrore përmes dokumenteve të falsifikuara, ndërsa përmendi edhe emrin e deputetit socialist Ardit Bido, për të cilin tha se duhet të hetohet për rolin e tij në këtë proces.

Berisha: Të falënderoj për pyetjen. Të garantoj se ato 224 mijë metra nuk i përkasin kurrë Spiro Kolekës, Baba Pilos, vëllait të Edi Ramës, Edi Ramës, mamasë së ndjerë të Edi Ramës, të cilët në të gjitha dokumentet ishin një familje e varfër me 3 dhi dhe një gomarë, të regjistruar në regjistrat e shtetit të asaj kohe.
Po, ka ekzistuar një Spiro Kolekë tjetër, burrë i shkëlqyer, ministër i qeverisë së Sulejman Delvinës, që ka udhëhequr luftën e Vlorës me sukses të madh.
Dhe ai nuk ka asnjë pretendim, asnjëri prej familjarëve të asaj dege për kanionin e Gjipesë, kurse këta duan ta vjedhin.
Dëgjoni pak, Artan Lame, i cili ç’është e vërteta ndjesë pastë nuk flas më për të se është i ndjerë tani, një gjë bëri, nuk ia firmosi kurrë.
Nuk ia firmosi Edi Ramës.
Tani thuhet se me Ardit Bidon, nuk e di, duhet të hetohet, ka falsifikuar dokumente në arkivë dhe ndaj Ardit Bido u lartësua në deputet, iu dha imuniteti i deputetit.
Këto janë çështje hetimi, por çdo çështje pronësie, PD ka evaduar 54 mijë dosje pronësie.
Sigurisht mbeten të tjera.
Në mënyrë absolute me vendosmërinë më të madhe do të trajtonte çdo dosje.
Por nga ana tjetër, ne vumë ligjin që në qoftë se investitori i huaj blen tokën bazuar në dokumente origjinale shtetërore dhe pas kësaj, pasi fillon punë, dalin pretendentë se ky dokument nuk është i vërtetë, në këtë rast çdo pretendim i kalon shtetit.
Dhe në këtë rast shteti paguan nga fondi i tij me çmimin e tregut pronarin dhe ndëshkon falsifikatorin.
Ky, këtë ligj e modifikon siç don.
Dhe e nxori kur unë denoncova ekzistencën e tij mbi dy ose tre herë.

Të fundit