Flash News

Protestë kundër Ramës edhe në Berlin

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

Protesta e bukur e shëmtuar

Ditari i Opozitës

Berisha: Enea Mekolli është dy herë hero, vrasësi i tij financohej me fonde shtetërore

Politiko 5 Qershor 2026, 12:25

Berisha: Enea Mekolli është dy herë hero, vrasësi i tij

Kreu i Partisë Demokratike, Sali Berisha, e nisi konferencën e sotme me gazetarët në selinë blu duke shprehur ngushëllimet për familjen e efektivit të policisë Enea Mekolli, i cili humbi jetën gjatë një operacioni policor.

Berisha e cilësoi 36-vjeçarin si “dëshmor të kombit”, si dhe akuzoi qeverinë për lidhje me krimin, duke pretenduar se autori i dyshuar i vrasjes, ndonëse ishte prej vitesh në kërkim, ka përfituar mbështetje dhe financime nga strukturat shtetërore. Sipas tij, ngjarja e rëndë është dëshmi e dështimit të shtetit për të garantuar rendin dhe sigurinë në vend.

Berisha: Dua të shpreh ngushëllimet e mia më të ndjera familjes, miqve, të afërmve të dëshmorit të kombit, Enea Mekolli, komunitetit të Maliqit.
Të dënoj me forcën më të madhe këtë krim të shëmtuar, i sponsorizuar nga shteti i lidhur këmbë e kokë me krimin.
Enea Mekolli ishte një i ri idealist, i cili pasi vëllai i tij në polici ndahet nga jeta për shkak të një sëmundje, kërkon të vazhdojë misionin e të vëllait, sigurimin e jetës, veprimtarisë, ligjit të qytetarëve shqiptarë.
Në këtë aspekt, ai është dy herë dëshmor.
Dhe familja e tij është një familje me kontribute shumë të mëdha për sigurinë e qytetarëve, jetës, veprimtarisë, rendit, ligjit të qytetarëve shqiptarë.
Por, aq sa është e dhimbshme vrasja mizore nga një dorë kriminale e policit në detyrë, aq kriminale e shëmtuar është qëndrimi i narkoshtetit ndaj vrasësit, i cili kishte 9 vite në kërkim, gjoja në kërkim, dhe që financohej nga fonde shtetërore për të ndërtuar stalla, konaqe, ngrehina, mbarështuar bagëti sikur të ishte një fermer i nderuar.
Vrasja e Enea Mekollit dëshmon në mënyrën më të qartë se rendi, ligji, siguria në këtë vend është në dorë të krimit. Është në dorë të kriminelëve.
Vrasësi i Enea Mekollit nuk mund të qëndronte 9 vite në kërkim, të mbarështonte bagëti dhe stalla pa përkrahjen e fortë të pushtetit.
Dhe siç dëshmojnë dokumentet, ajo përkrahje ka ardhur edhe me financime falas ndaj veprimtarive të tij.
Sot, jeta e çdo shqiptari është në duart e krimit dhe kjo për faktin e vetëm se qeveria është e lidhur këmbë e kokë me krimin.
Ndaj dhe kjo është një ngjarje tmerrësisht tronditëse.
U vra në krye të detyrës.
U vra në zbatim të ligjit.

Të fundit