Flash News

Shpërthen protestuesi që vuan nga kanceri: Onkologjiku, Aushvic në mes të Tiranës

Europarlamentari paralajmëron: Nëse Shqipëria ngel jashtë BE-së, do të jeni në duart e Kinës e Rusisë

Europarlamentari: Të gjithë janë pro Shqipërisë në BE, por a mund të kemi Ramën në Këshillin Europian?

Aksident në aksin Pogradec–Qafë Thanë, dy të plagosur

Shqiptarët punojnë 41 orë në javë, por një orë pune prodhon vetëm 995 lekë

E-TJERA

Vrau nënën me thikë, arrestohet 57-vjeçarja në Kurbin, procedohet mjekja që fshehu ngjarjen

Politiko 6 Qershor 2026, 13:56

Vrau nënën me thikë, arrestohet 57-vjeçarja në

Policia e Lezhës ka zbardhur një ngjarje të rëndë në fshatin Fushë-Mamurras, ku fillimisht ishte raportuar si vdekje natyrale e një 85-vjeçareje, por hetimet kanë ngritur dyshime të forta për një krim brenda familjes.

Pas veprimeve hetimore të kryera nga grupi i posaçëm në bashkëpunim me Prokurorinë, rezultoi se e moshuara dyshohet të jetë vrarë me thikë, ndërsa si autore e dyshuar është arrestuar vajza e saj, që jetonte në të njëjtën banesë.  

Po ashtu, në hetim ndodhet edhe mjekja pasi akuzohet se nuk e ka raportuar në Polici vdekjen e 85-vjeçares.

Njoftimi: 

Drejtoria Vendore e Policisë Lezhë siguroi të dhëna në rrugë operative se në fshatin Fushë Mamurras kishte ndërruar jetë një 85-vjeçare më datë 30.04.2026, duke u pretenduar vdekje natyrale dhe pa u raportuar në Polici.
Nga të dhënat e siguruara nga Policia lindën dyshime të arsyeshme për një ngjarje kriminale.

Bazuar në informacionet e siguruara, Drejtoria Vendore e Policisë Lezhë ngriti menjëherë një grup të posaçëm hetimor, i cili në bashkëpunim me Prokurorinë nisi menjëherë veprimet verifikuese dhe hetimore në lidhje me rastin.Nga tërësia e veprimeve hetimore dhe procedurale ka rezultuar se shtetasja D. Sh., 85 vjeçe, ka humbur jetën si pasojë e goditjeve me mjet prerës (thikë), ndërsa si autore e dyshuar e ngjarjes rezulton vajza e saj, shtetasja V. Sh., e cila jetonte në të njëjtën banesë me viktimën dhe vuante nga probleme të shëndetit mendor.

Në vijim të veprimeve, u bë ndalimi i shtetases V. Sh., 57 vjeçe, banuese në Fushë-Mamurras, e dyshuar si autore e veprës penale “Vrasje për shkak të marrëdhënieve familjare”.

Në cilësinë e provës materiale është sekuestruar mjeti prerës (thikë), si dhe prova të tjera që lidhen me ngjarjen.

Gjithashtu, janë referuar materialet procedurale në gjendje të lirë për shtetasen A. Ll., mjeke, për veprën penale “Shpërdorim detyre”, e cila ka plotësuar aktin e vdekjes, duke e cilësuar si vdekje natyrale dhe duke mos e raportuar në Polici vdekjen e 85-vjeçares.

Në bashkëpunim me Prokurorin vijon puna për dokumentimin e plotë ligjor të ngjarjes dhe, nëse ka persona të tjerë të përfshirë, për identifikimin dhe vënien e tyre përpara përgjegjësisë ligjore.

Të fundit