Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Lidhet kontrata për ndërtimin e instalacionit 3.6 milionë euro brenda Kryeministrisë

Politiko 29 Maj 2023, 08:37

Lidhet kontrata për ndërtimin e instalacionit 3.6 milionë euro

Fondi Shqiptar i Zhvillimit ka nënshkruar kontratën me kompaninë “Fusha” për ndërtimin e instalacionit “Parku Eden” që do të ndërtohet brenda Kryeministrisë.

“Fusha” u shpall fituese e tenderit për instalacionin i cili do të ndërtohet me një fond prej 398 milionë lekë apo rreth 3.6 milionë euro.

Referuar dokumenteve të procedurës projekti që propozohet të aplikohet gjendet në oborrin e brendshëm të kryeministrisë, pranë “Bulevardit Dëshmorët e Kombit”. Sipas projektit, bëhet fjalë për një kopsht 3D i cili mund të përdoret për evente, spektakle, por edhe për kohë të lirë.

“Përshkrim i përgjithshëm i projektit: Hartimi i projektit është detajuar mbi bazën e konceptit, të formuluar nga studioja ndërkombëtare e projektimit ‘Studio Precht’, me zyrat qëndrore në Austri. Koncepti i ‘Eden-it’ është përgjigje e situatës që krijohet në oborr. Në vend që të vendoset një kopësht në tokë, krijohet një kopësht 3-dimensional që siguron funksione rekreacioni, gjallërie dhe kohe të lirë në nivele të ndryshme. Eden është një zgjidhje e qëndrueshme dhe e gjallë për një oborr që krijon vend, një strukturë e hapur dhe e depërtueshme për kohë të lirë private dhe evente publike, një spektakël i bërë nga njëriu, dhe një përkujtuese ndaj natyrës së humbur prej kohësh në mjediset tona të ndërtuara.

Shkallët përfshijnë elementë ulës që janë të lëvizshëm sipas kërkesës, fleksibël dhe të vendosur siç duhet në raste të ndryshme.

Tribuna me ulëse, ofron një platformë për evente gjatë ditës (konferenca zyrtare) dhe në mbrëmje (leksione, koncerte, fjalime), ndërkohë që bimët në strukturë mbështjellin audiencën me një kuvertë natyrale.

Edeni qëndron në një rrjetë 4800x4800x4800mm. Trarët prej druri të ndërthurur kryq përbëjnë një kornizë modulare kubike 6x3x4, që shërben si strukturë. Konstruksioni i drurit të parafabrikuar do të garantojë zbatim të saktë, bashkim të shpejtë në vendndodhje dhe emëton vlera të ulëta të karbonit në krahasim me materialet konstruktive tradicionale, siç janë betoni dhe çeliku” thuhet në dokument.

Projekti për ndërtimin e instalacionit te Kryeministria u shpall në një kohë që vendi po përballej me një krizë çmimesh, dhe qeveria diskutonte vendosjen e fashës energjetike 800 kËh për familjet. Në një kohë kur pati shumë reagime, qeveria vendosi ta pezullonte përkohësisht.

Lidhet kontrata për ndërtimin e instalacionit 3.6 milionë euro