Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

KQZ ndalon ripostimin e aktiviteteve politike në faqet zyrtare të institucioneve

Politiko 27 Prill 2023, 18:26

KQZ ndalon ripostimin e aktiviteteve politike në faqet zyrtare të

Komisioneri Shtetëror i Zgjedhjeve në seancën e sotme shqyrtoi denoncimet e Koalicionit për Reforma, Integrim dhe Institucione të Konsoliduara, të Komitetit Shqiptar të Helsinikit, si dhe të deputetes së PD-së, Albana Vokshi.

Në përfundim të shqyrtimit administrativ, për denoncimet e Komitetit Shqiptar të Helsinkit dhe të deputetes Albana Vokshi, Komisioneri Shtetëror i Zgjedhjeve urdhëroi ndalimin e ripostimit në faqet zyrtare të një institucioni publik, të aktiviteteve të cilat pasqyrohen në profilet personale të drejtuesit të një institucioni publik, për sa kohë këto profile i konsiderojnë profile të tyre personale.

Për denoncimet e tjera, Komisioneri do të shpallë vendimmarrjen në seancën e radhës.

Me kërkesë të subjekteve zgjedhore, u shty shqyrtimi i denoncimit të Partisë Socialiste ndaj subjektit zgjedhor Koalicioni “Bashkë Fitojmë”, për vendosje materiali propagandistik në Bashkinë Kavajë dhe shqyrtimi i raportit të Autoritetit të Medias Audiovizive të pasqyrimit të fushatës zgjedhore nga OSHMA-të për periudhën 14 prill – 22 prill 2023.

Reagimi i KSHH

KQZ Shqiperi pranon denoncimin e KShH-së dhe krijon një precedent pozitiv duke urdhëruar ndalimin e ripostimit të aktiviteteve të Ministrave, pasi përbën shpërdorim të burimeve publike.

Komiteti Shqiptar i Helsinkit (KShH) në kuadër të monitorimit të procesit parazgjedhor për zgjedhjet lokale të dt.14 Maj 2023 i është drejtuar sërisht KQZ-së me një denoncim për shpërdorimin e burimeve publike në funksion të fushatës zgjedhore.

Më specifikisht, pas një sinjalizimi anonim nga një qytetar, KShH u vu në dijeni se Zyra Vendore Arsimore e Qarkut Korҫë, por jo vetem, nëpërmjet një tabele Excel, kanë kërkuar nga shkollat e mesme dhe 9-vjeçare të qarkut përkatës, informacion në lidhje me veprimtaritë e adresave zyrtare në rrjete sociale të këtyre institucioneve arsimore, ndër të tjera edhe informacion mbi numrin e ri-postimeve që adresat zyrtare të shkollave kanë realizuar nga postimet e profilit të Ministres së Arsimit dhe Sporteve.

KShH u angazhua për të hetuar më tej mbi këtë çështje duke identifikuar një numër të lartë ri-postimesh nga ana e disa ZVA-ve, që kanë në juridiksion institucionet arsimore parauniversitare në Korҫë, Maminas, Dibër, Kamëz, etj, nga ku u vërejt se ishin ri-postuar prej tyre postime të profilit personal të Ministres së Arsimit dhe Sporteve, edhe në rastet kur në profilin e saj ishin postuar veprimtari haptazi në favor të fushatës zgjedhore dhe mbështetjes së kandidatëve të caktuar për kryetar bashkie. Këto prova ju vunë në dispozicion Komisionerit në seancën publike të ditës së sotme, pjesë e të cilës ishin edhe përfaqësues të institucioneve të përfshira.

Pas parashtrimeve të KShH, Komisioneri vlerësoi se në rastin konkret ndodhemi përpara një shkelje administrative të Kodit Zgjedhor si dhe konkludoi se duke qënë se profilet personale të zyrtarëve publik në vendin tonë, siç janë ministrat, përdoren edhe për qëllime të fushatës zgjedhore dhe jo vetëm promovimin e punës së institucioneve që ata përfaqësojnë, KQZ do të urdhërojë që të ndalohet ri-postimi i aktivitetit në rrjete sociale i profilit personal të ҫdo Ministri.