Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Kolegji i Evropës vjen në Tiranë, POLITICO: Lëvizje për të rritur fuqinë në Ballkan, financimi ndahet mes BE dhe qeverisë

Politiko 17 Mars 2023, 10:14

Kolegji i Evropës vjen në Tiranë, POLITICO: Lëvizje për

Komisioneri për Fqinjësinë dhe Zgjerimit, Oliver Varhelyi, njoftoi dje nga Tirana hapjen e një kampusi të ri në kryeqytet, Kolegji i Evropës, i cili do të shërbejë si një terren për trajnimin e eurokratëve aspirantë.

Sipas POLITICO, lëvizja e fundit e njoftuar nga BE për hapjen e Kolegjit Evropian, shihet nga ekspertët si një lëvizje të unionit për të rritur fuqinë në rajon kyç gjeopolitik siç është Ballkani Perëndimor.

“Kampusi i ri do të financohet nga Komisioni dhe aplikimet për studentët do të hapen në shtator 2023. E vetmja gjë që na duhet tani është një ndërtesë, një vend i bukur për kolegjin”, tha Varhelyi.

Kryeministri Edi Rama e përshëndeti lajmin si një "dhuratë të madhe" dhe diçka "jashtëzakonisht të rëndësishme dhe domethënëse për ne" në një konferencë të përbashkët shtypi në Tiranë me shefin e politikës së jashtme të BE-së Josep Borrell dhe Várhelyi.

Shqipëria është një vend kandidat për në BE dhe është në proces të përafrimit me rregullat e BE-së dhe kryerjes së reformave për të përmbushur kriteret e anëtarësimit të bllokut.

Kuptimi simbolik i lëvizjes së Tiranës nuk i humbi Várhelyi, i cili e përshkroi atë si një "sinjal të qartë se pranimi e Shqipërisë është afër ".

Në një deklaratë me shkrim për POLITICO, Rektorja e Kolegjit të Evropës – dhe ish-shefja e politikës së jashtme të BE-së, Federica Mogherini përshëndeti synimin e shpallur të Komisionit për të financuar një kampus të ri të Kolegjit të Evropës në Tiranë.

“Ne po fillojmë punën paraprake për të paraqitur një propozim të detajuar”, tha ajo.

Presidentët e Komisionit Evropian dhe Këshillit Evropian – Ursula von der Leyen dhe Charles Michel – mbështetën thirrjet e Shqipërisë për të ngritur një kampus të ri gjatë një samiti të liderëve të BE-së në Tiranë dhjetorin e kaluar.

Universiteti është më i përfaqësuar në mesin e nëpunësve civilë të BE-së, sipas një renditjeje POLITICO, dhe të diplomuarit e tij përfshijnë komisionerin aktual Margaritīs Schinas si dhe ish-kryeministrat e Danimarkës dhe Finlandës, Helle Thorning-Schmidt dhe Alexander Stubb.

Universiteti financohet pjesërisht nga BE-ja dhe qeveritë e tjera kombëtare, sipas të dhënave të tij.

Të fundit