Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Jeni një turp”, Bullgaria i përgjigjet Ramës: Kryeministri të përshtatë gjuhën, jo e denjë për politikanët

Politiko 24 Qershor 2022, 11:05

“Jeni një turp”, Bullgaria i përgjigjet Ramës:

Bashkimi Evropian bëri një hap pas me negociatat e Shqipërisë dhe Maqedonisë së Veriut, duke mos i dhënë vendeve dritën jeshile për nisjen e bisedimeve.

Në kushtet e një ‘Jo-je’,kryeministri Edi Rama nuk i ka përmbajtur jo vetëm kritikat, por edhe shpërthimet fyese ndaj unionit dhe Bullgarisë, të cilën e konsideron fajtore për bllokimin e negociatave të dy vendeve të Ballkanit.

Teksa i drejtohet samitit të BE-së, Rama ndali për të dhënë një prononcim të shkurtër për mediat bullgare të cilët iu ëhstë drejtuar me gjuhë fyese duke i cilësuar ‘një turp’. “Jeni rrëmujë ju djema. Një rrëmujë e madhe dhe jeni një turp teksa mbani peng dy vete të tjera të NATO-s”, u shpreh Rama.

Ministria bullgare e Jashtme i është përgjigjur gjuhës së Ramës. Në një deklaratë, ministria kërkon që kryeministri shqiptar të përshtatë gjuhën e komunikimit me atë të një politikani të denjë që vjen nga një vend kandidat për në BE.

“Në përgjigje, kjo nuk është hera e parë që ne dëgjojmë reagime të paprovokuara dhe cilësime fyese nga një kryetar qeverie. Thumbat në një regjistër komunikimi kaq të ulët nuk mund të justifikohen me natyrën dhe mungesën e aftësive të komunikimit evropian. Ne presim nga kryeministri shqiptar të përshtatë mjetet e tij shprehëse në një gjuhë më të përshtatshme për një politikan nga një vend kandidat për anëtarësimin në BE”, sqaron Ministria e Jashtme në deklaratë.

Ndër të tjera, ministria shton se marrëdhëniet e dy vendeve, Shqipëri-Bullgari, nuk mund të mbeten peng i një gjykimi të gabuar të një politikani apo e sjelljes së çuditshme të Ramës.

“Në këtë nivel, më shumë se çdo tjetër, ne insistojmë të mbajmë një ton të mirë komunikimi. Në këtë nivel ne kemi treguar gjithmonë gjithë respektin që kërkon një pozicion të përgjegjshëm dhe nivel të marrëdhënieve ndërshtetërore. Ne kemi një të ardhme të përbashkët me Shqipërinë. Politikanët po largohen. Kombet mbeten. Popujt tanë kanë një interes të përbashkët, i cili nuk duhet të cenohet nga një gjykim i gabuar i politikanit. Është e papranueshme që marrëdhëniet mes shteteve të bëhen peng i ekscentricitetit të kryeministrit aktual shqiptar”, deklaroi Ministria e Jashtme.

Të fundit