Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Ervisi është zhdukur”, zbardhet kallëzimi i xhaxhait të Vis Martinajt në polici

Politiko 11 Gusht 2022, 16:20

“Ervisi është zhdukur”, zbardhet kallëzimi i xhaxhait

Familja e Ervis Martinajt ka kallëzuar në polici humbjen e kontakteve me Martinajn. Në kallëzimin e bërë nga Faik Martinaj, xhaxhai i Ervisit, ka deklaruar se informacionin lidhur me zhdukjen e Martinajt e ka marrë nga një person i afërt me të.

Xhaxhai ka theksuar se prej kohës kur Ervisi është shpallur në kërkim ndërkombëtar nuk ka pasur asnjë kontakt me të, ndërsa tha se kanë dyshime se mund t’i ketë ndodhur diçka e keqe nga grupet kriminale që duan ta eliminojnë.

“Në lidhje me nipin tim, djalin e vëllait Ervis Martinaj, i cili është shpallur ne kërkim nga Prokuroria e posaçme kundër krimit të Organizuar dhe Korrupsionit, dje (të martën) rreth orës 22:00, jemi njoftuar nga një i afërmi jonë, që për arsye sigurie nuk dua të përmend emrin, i cili nuk ndodhet në Shqipëri, por është nga Puka, se Ervisi është zhdukur dhe nuk kishte kontakte me të.

Dua të theksoj se që prej kohës që nipi Ervisi është shpallur në kërkim nuk kam pasur asnjë kontakt me të drejtpërdrejt apo ne telefon, por vetëm nëpërmjet personave të afërm. Ne si familje kemi dyshime se Ervisit mund t’i ketë ndodhur diçka e keqe nga grupe kriminale që kërkojnë ta eliminojnë. Ne kemi pritur deri ditën e sotme që mos kemi ndonjë kontakt me nipin Ervisin, por nuk kemi arritur të kontaktojmë dhe nuk kemi asnjë lloj informacioni për vendndodhjen edhe gjendjen e tij.

Sot në drekë (e mërkurë) rreth orës 12:00, të shqetësuar lidhur me gjendjen e nipit Ervisit, kam njoftuar punonjësin e policisë së komisariatit Kurbin P. T. për sa thashë me sipër”, thuhet në kallëzimin e xhaxhait të Ervis Martinaj.

 

Të fundit