Elvis Demçe, mafiozi shqiptar që tentoi të pushtonte Romën në 10 muaj, 'etja’ për të qenë ‘Zot’ e çoi në pranga

Elvis Demçe, 37-vjeçari shqiptar, u shndërrua në simbolin e grupit të narkotrafikantëve shqiptarë dhe italianë në Roma të Italisë.

Roma ishte një qytet që nuk kishte nevojë për ‘pronarë’. Grupet e krimit të organizuar e kishin ndarë qytetin mes tyre duke e kthyer në një vend ‘pjellor’ për trafik droge dhe pastrim parash. Përpjekjet nga grupet e mëdha kishin qenë të shumta, shkruajnë mediet italiane. 

Camorra, Cosa Nostra dhe ‘Ndragheta’ kishin tentuar të bashkonin fraksionet e ndryshme kriminale në një, por vetëm Banda della Magliana arriti ta bënte, duke krijuar një bandë kriminelësh dhe neofashistësh të lidhur me terrorizmin.

Pas shpërbërjes së Banda della Magliana, Camorra fitoi rolin e ndërmjetësuesve në Romë. Por, edhe klani Camorra nuk pati jetëgjatësi të gjatë, ndaj në vitin 2017 në Romë depërtuan bandat shqiptare, ku spikati edhe Elvis Demçe.

Vrasja e Fabrizio Piscitelli, me nofkën Diabolik, do t’i jepte një kthesë tjetër narkotrafikantëve në Romë. Diabolik kontrollonte një pjesë të tregut në qytetin italian falë mbështetjes që kishte nga shqiptarët. Diabolik u njoh me shqiptarët gjatë një takimi me tre familjet mafioze italiane, ku në tryezë shqiptarët kishin dërguar delegat Dorian Petokun, i cili u arrestua në Janar të vitit 2019 në operacionin e quajtur ‘Loë Cost’.

Operacioni ndërkombëtar i zhvilluar në Brazil, me bashkëpunimin e DEA dhe SHBA-së, ndërpreu itinerarin e dërgesës së kokainës nga Brazili në Romë, aty ku shqiptarët ishin duke pritur pë pjesën e tyre.

Pas arrestimit të Petokut, vendin e ‘mbretit’ e zuri Elvis Demçe, i cili u përpoq të pushtonte një qytet të përjetshëm në vetëm 10 muaj, por përfundoi në burg.

Banda e Demçes ofroi rikuperimin e kontejnerit nga porti, ruajtjen, transportin, prerjen, shpërndarjen në rrugë, si për kalabrezët ashtu edhe për amerikanët latinë duke marrë rreth 30,000 euro për kilogram. Bnda nisi të zgjeronte shpërndarjen e drogës në disa nga portet kryesore të Evropës Veriore dhe në Shqipëri.

Prokuroria italiane e Antimafia studio strategjinë përdorur nga narkotrafikantët shqiptarë duke e cilësuar si nj metodë të re trafikimi dhe shpërndarjeje. “Ata kanë struktura më fluide, më pak të organizuara. Ato nuk shpërndahen sipas pozicioneve dhe roleve. Është shumë ndryshe nga ‘Ndrangheta, por ato janë të lidhura ngushtë me ta. Ata kanë menaxhimin e disa kanaleve të drogës. Ata ishin të fortë me heroinën nga Afganistani dhe me hashashin, si nga Shqipëria ashtu edhe nga Maroku. Dhe, mbi të gjitha, ata kanë njohuri për menaxhimin e porteve të Evropës Veriore, veçanërisht në Holandë, në Roterdam dhe Amsterdam”, pohoi Antimafia.

Antimafia deklari se “Shqiptarët punuan për 25 vite për klanin napolitan të Michele Senese, fillimisht si portierë të pronave të tyre, pastaj si trafikantë. Ata janë më të dhunshëm se kushdo tjetër dhe e përdorën këtë për t'u rritur. Shumë përfunduan në burg dhe ranë në kontakt me kalabrezët. Burgu është gjithashtu një rrjet i madh kontaktesh profesionale dhe marrëveshjet që ata bënë brenda me “Ndrangheta”.

Megjithatë, Demçe duke marrë rolin e Petokut i vendosi vetes nofkën “Don Pablo” që i referohej mbretit të drogës Pablo Escobar. Pasi doli nga burgu në vitin 2020 i shpallur i pafajshëm për akuzën e vrasjes, Demçe tentoi të rikthehej në atë që dikur ishte territori i tij duke e identifikuarveten si ‘Zot’.

Por tashmë një tjetër rival ishte vendosur në krye të trafikut. Ermal Arapaj, të cilin Demçe tentoi ta vriste. Arapaj udhëtoi drejt Spanjës për t;u rikthyer sërish më synim eliminimin e Demçes.  

Përplasja mes palëve shkaktoi kaos. Të gjitha kodet e mësuara nga Cosa Nostra gjatë sulmeve të viteve 1990 u thyen. Konflikti tërhoqi policinë dhe magjistratët, të cilët nisën t'i rrethonin. I futur në cep nga hetimet, Demçe e kuptoi se duhej të përballej me shtetin.

Plani i kapos shqiptar konsistonte në vrasjen e policëve dhe dy gjyqtarëve, vëllezërve Francesco dhe Giuseppe Cascini, të cilët rastësisht po hetonin organizatën. “Nuk ka pasur asnjëherë sulm ndaj një gjyqtari në kryeqytetin italian. Dhe nuk e di nëse do t'ia dilnin deri në fund, por armët i kishin: granata, bazuka, pushkë. Ata thanë se do t'i përdornin për këtë në një vend të caktuar”, kanë thënë burime pranë Antimafias.

Demçe planifikoi të kryente sulmin në zemër të Romës - Piazzale Clodio, selia e gjykatave penale. Por ai bëri gabimin duke i kryer bisedat e tij telefonike përmes një aplikacioni enkriptimi të quajtur SkyEcc, serveri i të cilit Europol e kishte përgjuar muaj më parë.  

Demçe fitoi më shumë se 10 milionë euro në tetë muaj, importoi kokainë direkt nga Amerika e Jugut dhe mori miratimin e "Ndrangheta" për të drejtuar biznesin e tij.