Flash News

Shpërthen bombola e gazit në Korçë, plagoset 40-vjeçari

Skandali McGonigal, Berisha tregon se kush e urdhëroi Ramën “të zhdukej”

Jo vetëm Rama, edhe Balla pranon takimin me McGonigal: Autoritetet shqiptare nuk mbajnë përgjegjësi

Paralajmëruan protesta të fuqishme, Berisha dhe Meta takim “kokë më kokë”

Nënshkruhet marrëveshja për Portin e Durrësit, Rama i thurr lavde Alabbarit: Nuk ka asgjë nën rogoz

E-TJERA

“E gabuar, e papranueshme”, Shqipëria dhe Rusia ‘përplasen’ në OKB për Kosovën

Politiko 28 Shtator 2022, 13:22

“E gabuar, e papranueshme”, Shqipëria dhe Rusia

Çështja e pavarësisë së Kosovës ka sjellë përplasjen e Shqipërisë dhe Rusisë në Organizatën e Kombeve të Bashkuara. Moska e ka krahasuar vazhdimisht situatën e Kosovës me atë të Krimesë.

Ambasadori rus në OKB, Vasily Nebenzya, ka bërë të njëjtën paralelizëm mes Kosovës dhe Krimesë teksa tha se shqiptarët asokohe kur bëhej lufta serbe në Kosovë, nukkanë qenë të kërcënuar nga Jugosllavia pasi kjo e fundit ishte shpërbërë, raporton Euronews Albania.

Nenbzya vijoi duke deklaruar se pavarësia e Kosovës është shpallur nga organe të përkohshme duke akuzuar Perëndimin se luan me standarde të dyfishta.

“Duke u refuzuar banorëve të Donbas-it në territoret e çliruara të Ukrainës, të drejtën për vetëvendosje, delegacionet perëndimore po demonstrojnë standardet e tyre të dyfishta skandaloze. Kritikët më të zëshëm të referendumit në Donbas, Zaporozhye dhe obeliskët e Hurstonit ishin, dikur në ballë të mbështetjes së pavarësisë së Kosovës, pastaj deklaruan se territori kishte të drejtë të largohej nga shteti serb nëse ekzistonte një kërcënim real që të drejtat e shqiptarëve të Kosovës do të cenoheshin rëndë nga e ashtuquajtura vazhdimësi korrigjuese, dhe se kjo nuk ishte vetëm deklaratë, por qëndrimi zyrtar ligjor i paraqitur nga shtetet perëndimore në Gjykatën Ndërkombëtare të OKB-së në vitin 2008. Në atë kohë, shqiptarët e Kosovës, megjithatë, nuk kërcënoheshin fare nga asgjë, sepse Jugosllavia nuk ishte më në hartë, NATO bombardoi Serbinë, kishte trupa të huaja si paqeruajtëse në të. Dua të nënvizoj ndryshe nga situata në Krime, LPR dhe DPR… dhe populli i Zaporozhyes, në Kosovë absolutisht nuk ka pasur referendum, nuk ka vota të lira të popujve atje, ka qenë vetëm një shpallje e pavarësisë, e miratuar nga autoritetet e përkohshme vetëqeverisëse që tejkaluan kompetencat e tyre. Në atë kohë kjo ishte e mjaftueshme që Perëndimi të njihte pavarësinë e Kosovës dhe konfirmoi se e drejta ndërkombëtare nuk e pengonte atë të shpallte pavarësinë e saj”, u shpreh ambasadori rus.

Ambasadori shqiptar në OKB Ferit Hoxha ka reaguar menjëherë pas deklaratës së ambasadorit rus lidhur me çështjen e Kosovës. Hoxha tha se deklarata që bëri homologu i Moskës është e gabuar.

Hoxha u shpreh se nuk mund të krahasohet përpjekja për të vendosur paqe siç është rasti i dialogut mes Kosovës dhe Serbisë, me agresionin e paprovokuar rus në Ukrainë. Ambasadori shqiptar tha se askush nuk mund të mashtrohet dhe të largojë vëmendjen nga lufta.

“Delegacioni rus bëri përsëri një paralele me Republikën e Kosovës, një vend i pavarur që është njohur nga gjysma e Kombeve të Bashkuara duke përfshirë gjysmën e këtij këshilli, pra kjo është e gabuar, e pasaktë dhe për të ardhur keq. Asgjë nuk mund të jetë më artificiale dhe e detyruar sesa krahasimi i përpjekjeve ndërkombëtare për t’i dhënë fund konfliktit, për të mbrojtur civilët dhe për të vendosur një proces paqeje, për të gjetur një zgjidhje të qëndrueshme siç ishte rasti i Kosovës, me agresionin e pastër dhe të paprovokuar dhe referendumin që po mbahet tani në Ukrainë. Askush nuk është, nuk mund të mashtrohet nga kjo, askush nuk tenton të krahasojë të pakrahasueshmen, asnjë rrugë e shkurtër nga konteksti historik dhe politik nuk do ta ndihmojë Rusinë të largojë vëmendjen nga lufta e saj në Ukrainë, ose të ngritë urën e saj të e drejta ndërkombëtare, e cila e ka bërë atë një paralele ndërkombëtare. Kosova dhe Serbia janë të detyruara të dialogojnë për të zgjidhur problemet e tyre, ata takohen, nuk luftojnë”, ka thënë ai.