Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Deputeti i Parlamentit britanik: T’i japim fund histerisë antishqiptare, ata nuk janë të dhunshëm

Politiko 19 Nëntor 2022, 16:35

Deputeti i Parlamentit britanik: T’i japim fund histerisë

Çështja e emigrantëve të jashtëligjshëm shqiptarë në Britani u bë shkak për një përplasje mes qeverish dhe jo vetëm. Etiketimi i shqiptarëve si ‘kriminelë’ nga Sekretarja e Brendshme britanike Suella Braverman, solli një reagim të ashpër nga emigrantët që punojnë dhe jetojnë në Britani.

Së fundmi, reagimi në mbështetje të shqiptarëve, ka ardhur nga deputeti konservator në Parlamentin britanik, Daniel Kawczynski. Deputeti britanik deklaroi gjatë një seance parlamentare se duhet t’i jepet fund histerisë antishqiptare në faqet e mediave britanike.

“Demonstrata që pashë javën e kaluar në urën Ëestminster është shumë e ndryshme nga ajo se si u karakterizua ngjarja në The Mail on Sunday, e cila u përpoq t'i portretizonte ata demonstrues si një turmë plaçkitëse, e vendosur në ferr për të krijuar dhunë. Kjo nuk është ajo që pashë në urën Westminster. Njerëz si z. Farage, të cilët përpiqen të nxisin këtë lloj histerie antishqiptare nëpër faqet e The Mail on Sunday, duhet të jenë shumë të kujdesshëm për atë që po bëjnë”, tha Kawzcynski.

Deputeti rikujtoi kohën kur ai emigroi nga Polonia drejt Britanisë së Madhe. Kawzcynski tha se shqiptarët po përjetojnë një presion dhe mënyra se si Britania e trajton diasporën, thotë shumë për marrëdhëniet me Tiranën zyrtare.

“Nuk ka dyshim se ka polemika në rritje për kalimet e paligjshme në kanalin anglez, por mënyra sesi ne e trajtojmë diasporën ekzistuese shqiptare këtu në Mbretërinë e Bashkuar është shumë e rëndësishme dhe një tregues kyç se si i zhvillojmë marrëdhëniet tona me Tiranën. Unë jam deputeti i vetëm konservator i Parlamentit që kam lindur në Evropën Lindore—kam lindur në Poloni—kështu që marrëdhëniet tona me Evropën Qendrore dhe Lindore, duke përfshirë Ballkanin, janë me interes të veçantë për mua. Mbaj mend që kam ardhur për herë të parë në këtë vend, duke i shpëtuar komunizmit me familjen time në tetor të vitit 1978, si një fëmijë gjashtë vjeç. Më kujtohet ngrohtësia, mirësia dhe mikpritja e jashtëzakonshme që na treguan kur erdhëm për herë të parë në këtë vend. Kjo është ajo që karakterizon britanikët dhe këtë vend. Kjo është ajo për të cilën jemi të njohur në mbarë botën—mënyra se si i trajtojmë njerëzit e besimeve, feve, prejardhjeve dhe karakteristikave të tjera të ndryshme”, u shpreh Kawczynski.

Deputeti konservator u fokusua edhe te protesta e emigrantëve shqiptarë në urën e ‘Westminster’. Kawczynski tha se ishte takuar me disa protestues shqiptarët të cilët kishin pohuar se punonin në profesione si mësues, mjek apo infermierë, dhe jo kriminelë sikurse i konsideroi Braverman.

“Sigurisht që ne duam të kontrollojmë migrimin, sigurisht që ne duam të kontrollojmë kufijtë tanë, dhe sigurisht që duam të sigurojë që migrimi të funksionojë në interes të Mbretërisë së Bashkuar. Javën e kaluar takova shtetas shqiptarë në urën Ëestminster që ishin duke demonstruar në mënyrë paqësore dhe duke mbajtur flamujt e tyre shqiptarë dhe duke thënë: "Unë jam marangoz", "Unë jam infermiere", "Unë jam mjek", "Unë jam një mësues shkolle" dhe "Ne jemi këtu dhe ne po kontribuojmë në Mbretërinë e Bashkuar”. Ne e duam këtë vend. E megjithatë media na portretizon të gjithëve si kriminelë dhe pjesë të një lloji të poshtër të kombësisë këtu thjesht për të përfituar nga britanikët dhe për të qenë kriminelë”, shtoi Kawczynski para deputetëve britanik.