Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Britania e Madhe deporton në mënyrë të fshehtë në Shqipëri 22 emigrantë

Politiko 11 Nëntor 2022, 09:29

Britania e Madhe deporton në mënyrë të fshehtë në

Britania e Madhe po vijon përpjekjet për të kthyer mbrapsht emigrantët shqiptarë në Shqipëri.

‘Daily Mail’ raporton se një fluturim deportimi është organizuar mëngjesin e së mërkurës për të kthyer në vendin e tyre 22 emigrantë shqiptarë. Sipas medias britanike, fluturimi i fshehtë për në Tiranë është autorizuar personalisht nga Sekretarja e Brendshme Suella Braverman.

Shumica e të dëbuarve u dërguan me furgona të sigurt në aeroplanin e pritjes nga qendrat e mbyllura të dëbimit ku ata ishin mbajtur si kriminelë të dënuar ose për hyrje klandestine në Britani.

Disa prej shqiptarëve mendohet se ju është caktuar dita e dëbimit nga Britania javët e fundit derisa të bëhet verifikimi në kampin e Manston në Kent.

Avioni u ul në aeroportin ‘Nënë Tereza’ në orën 10:00 të mëngjesit të së mërkurës. 22 shqiptarët u dërguan më pas në një stacion policie, i cili është paguar pjesërisht nga britanikët për të përpunuar ata që ktheheshin nga Mbretëria e Bashkuar.

Secili prej tyre kishte pasaportën e vulosur nga qeveria shqiptare që tregonte se ata janë të ndaluar të hyjnë në zonën Shengen të Evropës për tre vjet. Kjo do të thotë se ata nuk mund të përdorin viza 90-ditore të hyrjes në BE që i lejojnë të fluturojnë, ngasin makinën ose të marrin autobusë në Francën veriore ose Belgjikë për një kalim në Kanal.

Mail kupton se Home Office këmbënguli për konfidencialitet të plotë në lidhje me fluturimin. Një manifest i kompjuterizuar me emrat e të dëbuarve nuk u vu në dispozicion të shoqëruesve të stafit të avionit gjatë udhëtimit të jashtëm.

"Ka një frymë konspiracioni në lidhje me këtë fluturim," tha një zyrtar kufitar në Mbretërinë e Bashkuar. "Nuk ka asnjë gjurmë të dukshme kompjuterike. Është goditja e fundit nga Braverman ndaj emigrantëve dhe kriminelëve të paligjshëm shqiptarë në MB.”

Sipas Ministrisë së Brendshme, rreth 120 shqiptarë u dërguan në fluturime dëbimi muajin e kaluar. Ato përfshinin 12 emigrantë të Channel, të cilët u larguan drejtpërdrejt nga qendra e përpunimit të Manston më 13 tetor, vetëm 36 orë pasi mbërritën me varkë dhe nuk arritën të kërkonin azil.

Të fundit