Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bien investimet e huaja në Shqipëri, Dhoma Amerikane e Tregtisë propozon paketë antikorrupsion: Ka shkelje në tendera

Politiko 27 Qershor 2022, 11:13

Bien investimet e huaja në Shqipëri, Dhoma Amerikane e Tregtisë

Investimet e huaja në Shqipëri kanë pësuar një rënie të ndjeshme, krahasuar me dy vendet e tjera të rajonit Serbia dhe Maqedonia e Veriut.

Kështu deklaroi kreu i Dhomës Amerikane të Tregtisë Enio Jaço, në një konferencë për shtyp. Jaço nënvizoi se shkak për rënien e investimeve janë dy faktorë ndikues: së pari, faktorët e jashtëm siç është lufta në Ukrainë e cila ka sjellë rritjen e inflacionit dhe së dyti, rënia e indeksit të biznesit.

“Dhoma amerikane e tregtisë do organizojë në shtator konferencën smart city, e cila do të prezantojë disa nga teknologjitë më të përparuara dhe për herë të parë do jenë prezente disa nga kompanitë amerikane më të mëdha në këtë fushë si Google, Amazon, Tesla që nuk janë shumë prezente në rajonin e Ballkanit. Do jenë prezent 20 kryetar të bashkive të rajonit të Ballkanit Perëndimor.

Indeksi i biznesit, po mundohemi ta standardizojmë që të jetë prezent në të gjitha vendet e rajonit. Kjo do na jepte mundësinë që ta krahasohemi në indikatorë të ndryshëm por edhe për të marrë praktikat më të mira. E fundit, kemi shënuar rritje të investimeve amerikane me 62 milionë në vitin që kaloi. Kjo është rritje organike e bërë me kontribut të investimeve të vogla, të cilat i konsiderojmë se do jenë të qëndrueshme. Jemi të qartë që janë shifra modeste. Edhe kjo na çon te klima e biznesit.

Nëse krahasohemi me RMV dhe Serbinë ne jemi poshtë në investime në Shqipëri. Ka dy faktor që po e bëjnë klimën më të rëndësishme. Faktorët e jashtëm me sfidat globale si lufta në Ukraine që ka përshpejtuar presionet e inflacionit, por ka ndërprerë kanalet e furnizimit por nga ana tjetër indeksi i biznesit ka pësuar rënie në 3-4 vitet e fundit. Indeksi është i rëndësishëm sepse mat klimën e biznesit, dhe kjo na shqetëson. Klimën e biznesit e ka Shqipëria ne dorë", tha Jaço.

Jaço propozoi miratimin e një pakete anti-korrupsion që synon të parandalojë korrupionin në organet ligjëvënëse, teksa theksoi se ka shkelje të dukshme korruptive.

“Propozojmë miratimin në Parlament të një paketë anti-korrupsion, kjo paketë ka për qëllim parandalimin e korrupsionit në organet ligjvënëse që kanë karakter prapaveprues
propozojmë miratimin e ligjeve anti-rryshfet.

Lidhur ngushtë me antikorrupsionin është reformimi i plotë i sistemit të prokurimeve publike, e këtu bashkohemi me rekomandimet e BE për prokurimet por në radhë të parë duhet të ketë standarte për lidhjet e përfituesve me njëri tjetrin apo qoftë me vendimmarrësit e tenderave publike.

Në kushtet e Shqipërisë duhet të jemi sa më konservatorë kemi pasur shkelje të dukshme, raste korruptive, të jemi sa më konservatorë e jo liberalë për standartet e prokurimeve”, tha Enio Jaço.