Flash News
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Aktivistet shqiptare letër Von der Leyen: Evropa të mos sillet si ‘bukuroshe e fjetur” përballë një regjimi anti-demokratik
Dy aktiviste që jetojnë në vendet e Bashkimit Evropian, Erisa Bajaziti dhe Iva Grillo, i kanë drejtuar një letër presidenten së Komisionit Evropian Ursula Von der Leyen.
Në letrën drejtuar presidents së KE-së, dy aktivistet i kanë rrëfyer situatën aktuale në Shqipëri, duke filluar nga qeverisja e vendit te gjendja ekonomike e shqiptarëve.
Aktivistet kërkojnë nga Von der Leyen se njerëzit po jetojnë në një Shqipëri ku populli përballet me dramën e shpopullimit, me aferën e incenratorëve apo mafien e ndërtimit.
Aktivistet shprehen se KE nuk mund të sillet si ‘bukuroshe e fjetur’ përballë një regjimi anti-demokratik dhe një qeverie të korruptuar që shtyp qytetarët.
LETRA E PLOTË
E dashur Ursula,
Qytetarët shqiptare ju dërgojnë këtë letër…
Shkurt, duan t’ju thonë që “Edi juaj i dashur” ju ka vizatuar një Shqipëri që nuk ekziston.
Në Shqipërinë e vërtetë, qytetarët jetojnë përditë dramën e një shpopullimi biblik, të drejtësisë së munguar dhe korrupsionit të pashembullt qeveritar.
Në Shqipërinë e vërtetë, qytetarët nuk mund të quajnë sukses inceneratorët imagjinarë, parcelat e drogës, aferën korruptive të portit të Durrësit apo frikësimin e medias.
Ata nuk mund të quajnë sukses as shkatërrimin e opozitës, ekzistencën e investitorëve strategjikë fantazma, kompanive off shore apo mafies së betonit.
E dashur Ursula, ndoshta ju nuk e dini, por në 2022, falë «Edit tuaj të dashur» çdo shqiptar i thjeshtë ka mbi kokë një spiun (të ashtuquajturit patronazhistë) që e survejon dhe kërcënon… sa herë të jetë e nevojshme.
Dhe si çdo qenie njerëzore që meriton të trajtohet me dinjitet, qytetarët shqiptarë nuk mund t’i gëzohen arrogancës dhe bullizmit me të cilën «Edi juaj i dashur» trajton popullin e vet, ndonjëherë duke ju përdorur dhe ju si mburojë.
E dashur Ursula, shqiptarët e thjeshtë po ju kërkojnë publikisht që Europa të mos sillet si një “bukuroshe e fjetur” përballë një regjimi anti-demokratik dhe një qeverie të korruptuar që shtyp qytetarët e vet.
Përndryshe, zgjimi do të jetë i dhimbshëm…për të gjithë!