Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

A po e dëmton “Ballkani i Hapur”? Sarrazin: Parimet e Procesit të Berlinit janë të qarta

Politiko 5 Nëntor 2022, 17:28

A po e dëmton “Ballkani i Hapur”? Sarrazin: Parimet e Procesit

Kancelari i Gjermanisë, Olaf Scholz, ka rikthyer Procesin e Berlinit, nisma e filluar nga paraardhësja e tij në pushtet, Angela Merkel.

Sami i Procesit u mbajt në Berlin nga data 31 tetor-4 nëntor. Krahas takimit të krerëve të qeverive që solli tre marrëveshje të rëndësishme, në kryeqytetin gjerman janë zhvilluar edhe Forumi i Shoqërisë Civile dhe Think Tank-ut dhe Forumi Rinor i Ballkanit Perëndimor.

Manuel Sarrazin, përfaqësues special i qeverisë gjermane për Ballkanin Perëndimor, komentoi në një intervistë për European Western Balkans rolin dhe rëndësinë e Procesit të Berlinit në zgjerimin e Ballkanit Perëndimor drejt Bashkimit Evropian.

Sarrazin u shpreh se ideja e krijimit të Procesit të Berlinit është pikërisht krijimi i lehtësirave për zgjerimin e BE-së.

“Ky është qëllimi i Procesit të Berlinit. E gjithë ideja e Procesit të Berlinit të iniciuar nga Kancelarja Merkel ka qenë gjithmonë se ai duhet të ndihmojë dhe lehtësojë zgjerimin e BE-së. Kjo është ideja madhështore. E gjithë puna ime e përditshme, të gjitha përpjekjet e Gjermanisë po shkojnë në të njëjtin drejtim”, u shpreh Sarrazin.

I pyetur për kritikat ndaj Procesit të Berlinit, i cili për njëfarë kohe mbeti pasiv, Sarrazin theksoi se AND-ja e Procesit është anëtarësimi i plotë i të gjashtave vendeve të Ballkanit Perëndimor në BE.

Ai shtoi se do të ketë një organizimin brenda kuadrit të bashkëpunimit rajonal, për të sjellë diçka konkrete mes vendeve të Ballkanit Perëndimor.

“Mendoj se nuk është themeluar kurrë. Pozicioni i Gjermanisë ka qenë gjithmonë i qartë: ne duam anëtarësimin e plotë të të gjashtë vendeve të Ballkanit Perëndimor në BE. Dhe Procesi i Berlinit do të ndihmojë në organizimin e një kuadri për realizimin e punëve në bashkëpunimin rajonal, i cili është një hap drejt anëtarësimit dhe për të sjellë rezultate konkrete dhe të prekshme për qytetarët e rajonit. ADN-ja e Procesit të Berlinit ka qenë gjithmonë gjithëpërfshirës, duke i trajtuar të gjashtë vendet në të njëjtën mënyrë dhe për të vepruar gjithmonë në përputhje me acquis dhe integrimin në Bashkimin Evropian. Qeveria jonë është vërtet e qartë dhe e zëshme për përfundimin e lojës, që është anëtarësimi i plotë i të gjashtë shteteve të Ballkanit Perëndimor në Bashkimin Evropian në një nivel syri dhe me të njëjtat të drejta dhe detyrime”, tha Sarrazin.

Përfaqësuesi gjerman për BP tregoi se si qëndron raporti mes Procesit të Berlinit dhe Ballkanit të Hapur (nisma e tre shteteve Shqipëri-Serbi-RMV) dhe nëse e dëmton apo jo ‘Ballkani i Hapur’ Procesin. Sarrazin tha se Procesi i Berlinit i ka të qarta objektivat dhe përfitimet për vendet e Ballkanit Perëndimor.

“Parimet e Tregut të Përbashkët Rajonal dhe të Procesit të Berlinit janë të qarta: gjithëpërfshirja dhe përafrimi me acquis evropiane. Kjo është arsyeja pse unë besoj se tregu i përbashkët rajonal do të sjellë përfitimin më të madh për rajonin, ekonomikisht, por edhe në lidhje me kohezionin me Tregun Unik Evropian. Në këtë kuadër, të gjitha idetë e tjera, të gjitha formatet e tjera mund të jenë gjithashtu të dobishme. Dhe kjo nuk do të thotë që vendet që janë pjesë e Tregut të Përbashkët Rajonal nuk mund të zgjedhin të avancojnë më tej në formate më të vogla për çështje të caktuara”, përfundoi Sarrazin.