Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

SPAK rrëzoi kallëzimin e Olsi Ramës, reagon Bardhi: Rama nuk mund të fshihet më

Politiko 25 Prill 2024, 13:35

SPAK rrëzoi kallëzimin e Olsi Ramës, reagon Bardhi: Rama nuk mund

Kreu i grupit parlamentar të PD, Gazment Bardhi ka reaguar pasi SPAK rrëzoi kallëzimin e Olsi Ramës për shpifje ndaj demokratit.

Në një reagim në Facebook, Bardhi shkruan se asnjëherë nuk ka ndodhur që ai të bëjë një denoncim pa të dhëna konkrete e fakte. Bardhi shton se Rama ka detyrimin të shpjegojë se çfarë e lidhte vëllanë e tij me trafikantët e Xibrakës.

Demokrati shton se SPAK duhet të provojë se në Shqipëri nuk ka persona të paprekshëm.

“Edi Rama nuk mund të fshihet më! Pretendimi i tij se nuk jep shpjegime në Kuvend, sepse kërkuesi i interpelancës është kallëzuar në SPAK, është rrëzuar më 17 Prill.

Nuk ka ndodhur kurrë të kem bërë denoncim të pabazuar në të dhëna konkrete, fakte konkrete apo dokumente zyrtare. Prandaj, pasi u fsheh pas Olsit për 1 muaj, fitojë kohë për të gjetur alibi e gënjeshtra, sot Edi Rama ka detyrimin të shpjegojë çfarë e lidhte Olsi Ramën me kreun e narko-organizatës dhe pse krerët e organizatës, bashkë me vëllain e tij Olsi Ramën përdorin të njëjtin automjet me targa AA 653 DM, në të njëjtën periudhë të planifikimit dhe ngritjes së laboratorit të kokainës në Xibrakë?

Nuk ka më vend për vonesa, zvarritje apo fshehje për të hetuar rolin e Olsi Ramës në organizatën e trafikut të drogës së Xibrakës. Prandaj ripërsëris kërkesën për heqjen e pezullimit ndaj procedimit penal nr. 335/1-2016. SPAK duhet të na provojë që në Shqipëri nuk ka persona të paprekshëm, që hetohet dhe vihet përpara përgjegjesisë cilido, qoftë ky edhe vëllai i Kryeministrit. Prova janë aty, duhet vetëm të hiqet pluhuri që ka zënë atë dosje të lënë në harresë. Kaq duhet dhe më pas zotimi i Edit të vogël, “ose unë ose ai në burg”, merr përgjigje vetiu!”, shkruan Bardhi.

Të fundit