Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

A do jetë Veliaj dëshmitar i Inceneratorëve? Tabaku paralajmëron padi për institucionet: Rruga e butë përfundoi

Politiko 7 Shkurt 2022, 12:56

A do jetë Veliaj dëshmitar i Inceneratorëve? Tabaku

Komisioni Hetimor i Inceneratorëve rinisi sot punimet. Kryetarja e komisionit Jorida Tabaku ka zbardhur datat kur do të thirren dëshmitarët e çështjes.

Në një deklaratë për mediet nga Kuvendi, Tabaku u shpreh se punimet e komisionit kanë qenë të vështira, pasi shpesh ka ndeshur edhe tentativa për t’i penguar e për t’iu bërë mburojë politike.

E pyetur nëse refuzimi i institucioneve përgjegjëse, të cilave PD iu është drejtuar me disa pyetje e kërkesa, do ta pengojë komisionit gjatë punimeve, Tabaku u shpreh se një pjesë e institucioneve nuk janë përgjigjur. Deputetja paralajmëroi padi penale për ato institucione që nuk sjellin informacionin e kërkuar.

“Shumë institucione kanë kthyer përgjigje duke mos kthyer përgjigje. Duke thënë ne nuk kthejmë dot përgjigje ose këtë shkresë mund ta gjeni online. Unë sot nisa disa shkresa të fundit specifike me numra protokolli. Unë kam bërë një interpelancë për këtë çështje. Unë i kam një pjesë të madhe të shkresave. Unë e di se çfarë komunikimi ka pasur ish-ministrja Ermonela Felaj me Lefter Kokën, Ylli Manjani me Lefter Kokën. Sot po kërkoja t’i administroja si prova. Nuk më pengon fare të vazhdoj punën. Ne kemi hasur një rezistencë nga Drejtoria e Tatimeve që i bëj thirrje të sjellë të gjithë informacionet që i janë kërkuar. I bëj thirrje edhe sistemit bankar atyre që nuk kanë sjellë përgjigje. Përndryshe, rrugën e butë e kam përfunduar. Filloj paditë penale javës tjetër”, tha Tabaku.

Tabaku u pyet nëse kryebashkiaku i Tiranës, Erion Veliaj, ka pranuar ose jo të jetë i pranishëm. Në rrugë jozyrtare, deputetja tha se ka pranuar të jetë i pranishëm.

“Zyrtarisht nuk e ka konfirmuar po me kolegët e PS-së kanë thënë që e gjithë lista e thirrur prej nesh do të vijë në Komisionin Hetimor”, shtoi Tabaku.

Kryetarja e Komisionit ka përmendur edhe aferën me inceneratorin e Elbasanit ku ka etiketuar si fajtor kyç ose nismëtar të saj, ish-kryebashkiakun Qazim Sejdini. Tabaku shtoi se në aferë janë përfshirë edhe ish-ministra dhe Ministri të ndryshme.

“Qazim Sejdini ka nisur gjithë procedurën, aferën e 430 milionë eurove, kemi komisionin e Vlerësimit të Ofertave, disa ish-ministra dhe Ministri të përfshira. Për Fierin dhe për Tiranën nuk ka filluar akoma SPAK-u. Ne kemi dorëzuar padi penale për të dy inceneratorët, ndoshta një vit e gjysmë më parë. Ka shuam persona të përfshirë duke filluar nga kreu i bashkisë, ministri i Ekonomisë, ministri i Financave. E njëjta është edhe për Tiranën, por ka një ndryshim. Është pak më korrekt, ndërkohë që ka një shkelje të jashtëzakonshme financiare i provuar nga KLSH me dy raporte të ndryshme”, shtoi Tabaku.