Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama mbledh kryebashkiakët, nuk i ndahet Lelit: Vlora ka një kryetar që fle gjumë. ‘I tërheq veshin’ Veliajt e Sakos

Politiko 22 Korrik 2022, 10:10

Rama mbledh kryebashkiakët, nuk i ndahet Lelit: Vlora ka një kryetar

Kryeministri Edi Rama ka mbledhur sot në një takim në Pogradec kryetarët e 61 bashkive të vendit, me në fokus bilancin e punës së qeverisjes vendore.

Gjatë fjalës së tij, Rama vlerësoi bashkitë të cilat kanë bërë një punë të mirë në nivelin e pastërtisë dhe higjienës, ndër të cilat përmendi Lezhën, Cërrikun, Belshin dhe bashkinë e Shijakut.

Mirëpo, sikurse edhe në herët e tjera, Rama nuk iu nda kryebashkiakut të Vlorës Dritan Lelit. Kryeministri u shpreh se Vlora ka një kryetar bashkie që fle gjumë dhe me gjithë potencialin që ka sot duhej të ishte e pastër.

Kritika pati edhe për kryebashkiaken e Durrësit Emiriana Sako dhe kryebashkiakun e Tiranës Erion Veliaj. Për të dy, Rama kërkoi të merrnin shembullin bashkinë e Shijakut. Teksa e konsideroi një “bashki evropiane”, Rama kërkoi që edhe bashkitë e Tiranës dhe Durrësit të shfrytëzojnë gjithë potencialin e tyre, ndërsa e cilësoi çështje vullneti dhe durimi.

“Kjo nuk është uniforme në aspektin e cilësisë është e larmishme kemi bashki shembullore, kemi bashki që janë të mirë dhe disa që janë problematike. Të qenit të tilla është të qenit PS problematike për qytetarët. Kemi të gjithë kohën për të adresuar problemet dhe për të kapur trenin ku janë më të mirët prej jush. Në të gjithë fushat e qeverisjes vendore kemi shembuj për të qen krenar. Është krenari që PS sot drejton Lezhën po të shohim nivelin e higjenës në plazh dhe kënaqësisë të atyre që pushojnë në këtë vijë bregdetare.

Të tillë shembuj qoftë për pastrimin dhe të tjera fusha kemi kudo në të gjithë Shqipërinë deri në bashki të vogla të cilat kanë mundësi të kufizuara por për shkak të punës dhe këmbënguljes janë shembuj pozitivë, që nga Cërriku, Belshit.

Ngopja apo mbingopja me pushtetin është a atyre që harrojnë kush dhe pse janë atje, jo sa herë ju kanë besuar njerëzit. Dy bashkitë nuk kanë pasur ndonjë avantazh kanë qenë dhe janë të disavantazhuara sepse pjesëmarrja e taksapaguesve lokale është shumë modeste.

Kemi bashki si Vlora që ka pasur një vëmendje të veçantë me të drejtës nga qeveria por që ka një kryetar bashkie që fle gjumë. Vlora me gjithë potencialin dhe mbështetjen nuk duhej ta diskutonte të qenit xixë nga mëngjesi në mbrëmje. Minimalisht.

Pa folur për bashki të cilat kanë potenciale të mëdha si Pogradeci, tani po hyn në një fazë që po merr më shumë projekte por është një shembull sepse me mjetet e kufizuara të bashkisë, qyteti merr sot frymë lirisht. Kjo është shumë e rëndësishme.

Një tjetër realitet i vështirë është Mati. Patëm një proces të dhimbshëm, të vështirë, sfidues, siç ishte tërmeti. bashkia më shembullore në të gjitha bashkitë, është Shijaku. Sikur të ishte bashki europiane. Kanë ça të mësojnë nga bashkia e Shijakut. Tirana dhe Durrësi kanë kohë për të nxjerrë nga kapacitetet e tyre të natyrshme. Janë çështje vullneti dhe durimi. Shqiptarët kanë qenë të varfër, por nuk kanë qenë pisanjos. Tani kjo situatë flet shumë jo për çfarë u bë, por sa gjynah se ka akoma zona dhe pjesë ku ka pisllëk”, tha Rama.