Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama 'kërcënon' qytetarët: Kush voton opozitën t’i harrojë fondet dhe mbështetjen nga qeveria

Politiko 22 Prill 2023, 13:58

Rama 'kërcënon' qytetarët: Kush voton opozitën

Kryeministri Edi Rama teksa ndodhej në Kamëz, ka kërcënuar me ndërprerje fondesh nga ana e qeverisë, për të gjitha Bashkitë që në 14 Maj do të vendosin që të zgjedhin për drejtues të tyre përfaqësuesit e opozitës.

Nga Kamza, ku kërkoi një mandat të dytë në krye të Bashkisë për Rakip Sulin, Rama e krahasoi këtë të fundit me një gomar me ”kurriz të fortë”, i cili kërkon mbështetje të vazhdueshme nga qeveria për projekte zhvillimi të zonës.

Rama tha se lufta në 14 Maj, bëhet kundër personave të shpallur non grata nga SHBA-të, dhe sipas tij ky turp nuk mund t’i lejohet Shqipërisë.

“Këtu është puna për gomarin që do merrni t’ju shërbejë. E doni gomarin me kurriz të fortë siç është ky gomari këtu apo e doni gomarin me dy veshët e gjata. Si e doni? Unë them që zgjedhja është shumë e thjeshtë këtë herë dhe është më e thjeshtë se asnjëherë tjetër.

Dhe po ju them dhe një gjë tjetër dhe po ja u them shumë troç. Kush do fusi gomarin me veshë të gjata në Bashki, ta harrojë qeverinë. Ta harrojë mbështetjen nga qeveria. Ne nuk mundet kurrë të na vënë përpara faktit të kryer medemek në emër të votës dhe të na detyrojnë të bashkëpunojmë me individë të shpallur non grata jo nga unë, jo nga Mali i Zi, as nga Maqedonia, por nga SHBA.

Dhe është e habitshme se si ithtarët e demokracisë, ithtarët e lirisë, ithtarët e ndryshimit që këtu në Kamëz kanë një vatër të madhe, që vjen nga historia ta pranojnë këtë sfidë. Me SHBA do luftojmë? Po kjo nuk është luftë, ky është turp dhe këtë turp ne Shqipërisë nuk ja lëmë në fytyrë”, u shpreh Rama.

Të fundit